Məleykə Əsədova: “Nə yaxşı ki, məni tək qoymadın”
Xalq artisti Məleykə Əsədovanın qızı Gülərin 9 yaşı tamam olub. Axşam.az-ın məlumatına görə, aktrisa həmin günü yaxınları və qızının sinif...
Xalq artisti Məleykə Əsədovanın qızı Gülərin 9 yaşı tamam olub. Axşam.az-ın məlumatına görə, aktrisa həmin günü yaxınları və qızının sinif yoldaşları ilə birlikdə keçirib. İnstaqram səhifəsində gecədən görüntülər paylaşan M.Əsədova təəssüratlarını bölüşüb: “8 sentyabr – Gülərimin dünyaya gəldiyi gündür, həyatıma işıq saçan gün! Ad günün mübarək, mələyim. Şükür sənə Allahım, nə yaxşı Gülərimi həyatıma göndərdin, məni tək qoymadın. Qızımın 9 yaşı tamam oldu. Gülərim ad günündə sinif yoldaşlarının əhatəsində özünü çox yaxşı hiss etdi. Uşaqların sevinci məni də xoşbəxt etdi. Sentyabrın 8-i mənim həyata yenidən bağlandığım gündür. Qızım yaşamaq eşqimdir. Allahım, valideynləri övladlarına, övladları da valideynlərinə çox görməsin”.
Əməkdar artist Cavanşir Məmmədov gənc ifaçıların ünvanına sərt sözlər deyib: “İndi oxumağı çox ucuzlaşdırıblar. Bu yaxınlarda məşhurlardan biri aşıq mahnısı ifa edirdi. Biabırçılıq idi. Mən redaktorun yerinə olsaydım, diski efirdə dayandırardım ki, xarab oldu. Sonra izah edərdim ki, get bunu sildir, oxuma. İndikilər hər janrda ifa etmək istəyir. Axı belə olmur. Gərək, hər şeyi mükəmməl edəsən. Müğənni olmaq istəyən bir neçə peşəkara müraciət etməlidir”. C.Məmmədov həmkarlarını ədabaz adlandırıb: “Bir müğənni var, məclislərə öz mikrafonunu aparır. Bu, ədabazlıqdır. Bilmirəm, yəqin, özü xəstədir. Müğənnilər arasında bu cür hallar çoxalıb. Görəsən, bunların axırı nə olacaq? Sadəlik gözəllikdir. Efirdə sadə danışırlar. Amma toylarda bir-birlərinə paxıllıq edirlər. Bu, nəyə lazımdır? Hərənin öz yeri, qiyməti var. Aldığı qonorar müğənninin klipinin sayını, səviyyəsini təyin etmir. Burada səsin olması, canlı oxumaq əsasdır”.
Müğənni Röya Ayxan sevənlərinin sürprizi ilə qarşılaşıb. Pərəstişkarından biri sənətçini sevməyinin 32 səbəbini kağızlara yazaraq, ona göndərib. Hədiyyənin fotosunu İnstaqramda paylaşan Röya təəssüratlarını yazıb: “Maraqlı hədiyyələrim çox olur. Amma bu onlardan daha maraqlı gəldi. Çünki məni sevməyinin 32 səbəbini yazmışdı. İndi vaxt tapıb, açıb oxumaq istədim. Amma yapışqan kağızdır, açsam cırılacaq. Deyirəm qocalana kimi qalsın, bəlkə kağız xarab olub özü açıla. Mən də sevilməyimin 32 səbəbini ölənə yaxın bilib, rahat gedərəm”.
“Küçük Ağa” serialından uzaqlaşdırılan Türkiyədə yaşayan azərbaycanlı aktrisa Nəsrin Cavadzadə 8 illik sevgilisi, rejissor Camal Şandan ayrılıb. Adıçəkilən serialda Başak obrazını canlandıran Nəsrin çəkiliş heyətində qalmaq istəsə də, ssenaridəki rolunun qurtardığı söylənilərək ekran işindən kənarlaşdırılmışdı. Bu hadisədən sonra N.Cavadzadə ikinci zərbəni sevgilisindən alıb. Belə ki, C.Şan “Anadolu atəşi” rəqs ansamblının üzvü Fatma Göklə görüşməyə başlayıb. Rejissor yeni sevgilisiylə Kapadokyaya yollanıb. Qeyd edək ki, F.Gökün adı daha əvvəl Gülbən Ərgənin keçmiş həyat yoldaşı Mustafa Ərdoğanla da eşq dedi-qodularında hallanıb. Nəsrin Cavadzadə Camal Şanla 2007-ci ildə “Yersiz-yurdsuz” serialının çəkilişi zamanı tanış olmuşdu.
Əhəd Miriyev
Faina Əsədullayeva
Muz-Tv.az