Dünya ulduzları Bakıya gəlir

Dünyanın tanınmış simaları Bakıya gələcək. Axşam.az-ın məlumatına görə, bu haqda prodüser, “Ok” dərgisinin baş redaktoru Zəhra Bədəlbəyli xəbər verib. 

    Dünyanın tanınmış simaları Bakıya gələcək. Axşam.az-ın məlumatına görə, bu haqda prodüser, “Ok” dərgisinin baş redaktoru Zəhra Bədəlbəyli xəbər verib. O, Bakıda festival keçiriləcəyini və bununla bağlı dünyanın tanınmış simalarının paytaxtımızın qonağı olacağını bildirib. Sözügedən tanınmışlar arasında dünya ulduzu Nikol Şerzinger, “Black eyed peas” və Redfoo yer alıb. “Adrenalin festivalı” adlı gecə noyabrın 1-də “Crystal Hall”da baş tutacaq. Biletlər artıq satışdadır.

    Türkiyəli müğənni-aktyor Kərəmcəmdən maraqlı xəbər var. İfaçı iki ildir birlikdə olduğu sevgilisi, aktrisa Seda Güvənə iyunun 17-də anasının üzüyü ilə 120 nəfərin qarşısında evlilik təklifi edib. Həmin vaxtdan etibarən gizlədilən bu məlumat bu gün Türkiyə mediasının əsas gündəminə çevrilib. Qeyd edək ki, vaxtilə anasının dediyi “Kərəmcəm nə vaxtsa evlilik təklifi edərsə, istəyərdim ki, mənim üzüyümlə bu addımı atsın” sözlərini unutmayıb və onun arzusunu gerçəkləşdirib. Bu təklif qarşısında şoka düşən Seda isə sevincindən göz yaşlarını saxlaya bilməyib. Qeyd edək ki, ad günü məclislərindən birində baş verən bu hadisədən sonra cütlük toy tarixi barədə heç nə deməyib.

    Türkiyəli müğənni Sinan Akçılın döyməsindəki yanlışlıq üzə çıxıb. İfaçının “Əl həmd” (şükür) sanaraq etdirdiyi döymənin mənasını ərəb dilini bilənlər açıb. Belə ki, qeyd olunan söz əvəzinə S.Akçılın boynuna “ilham” ifadəsi yazılıbmış. Müğənni vaxtilə müsahibələrinin birində “Bu söz “əl həmd”, yəni “şükür” deməkdir. Özüm yazıb Mayamidə etdirmişəm. Çünki Allah ilə bağlılığıma çox inanıram” demişdi. Lakin Sinan Akçıl ciddi bir xətaya yol veribmiş.

    Hollivud filmlərində ən çox adam öldürən aktyorların siyahısı hazırlanıb. Öldürdüyü adamların sayına görə aktyor Arnold Şvasneger birinci yerdə dayanıb. Onun aktyorluq fəaliyyəti ərəfəsində filmlərdə 756 dəfə qatil olduğu ortaya çıxıb. "Vanity Fair" dərgisinin araşdırması əsasında Silvester Stalloni ikinci olub. O, 713 adam öldürüb.

 

Əhəd Miriyev

Faina Əsədullayeva

 

Muz-Tv.az