Abbas Bağırov qeyri-adi hədiyyə aldı

Əməkdar artist Abbas Bağırova maraqlı hədiyyə edilib. Sənətçiyə onun bənzəri olan oyuncaq bağışlayıblar. 

    Əməkdar artist Abbas Bağırova maraqlı hədiyyə edilib. Sənətçiyə onun bənzəri olan oyuncaq bağışlayıblar. Hədiyyəsinin fotosunu İnstaqram səhifəsində paylaşan A.Bağırov “Super-super, çox sağ olun. Çox xoşuma gəldi, təşəkkür” sözlərini yazıb.

   Müğənni Röya Ayxanın oğlu Hüseyn bu il ibtidai sinfə hazırlığa gedib. Axşam.az-ın məlumatına görə, ifaçı bu haqda İnstaqram səhifəsində yazıb. O, çox həyəcanlı olduğunu vurğulayıb: “Biz artıq hazırlığa gedirik. Həyəcandan cəmi iki saat yuxuya getdim. Subaylar və yeni analar sağ əlim sizin başınıza”.

    Müğənni Kərim Abbasov yeni mahnısını təqdim edib. “Yox, unutmadım” adlanan bəstənin musiqisi Gövhər Həsənzadəyə, sözləri Xanım Aydına məxsusdur.  K.Abbasov bu mahnını iki il əvvəl aldığını, ancaq bu gün təqdim etdiyini bildirib. Sözügedən ifanı təqdim edirik.

    Hazırda Hindistanın məşhur “İndias Best Cine Star Ki Khoj” şousunda iştirak edən rəqqasə Oksana Rəsulova növbəti həftəyə keçib. Bir neçə gün əvvəl sevənlərinə ona səs vermələri üçün müraciət edən sənətçi finala iki həftə qaldığını bildirmişdi. O artıq münsiflərin rəyinin olmadığını, iştirakçıların yalnız səsvermə nəticəsində seçildiklərini vurğulayıb. Bu həftə də yarışmada qalan rəqqasə hər kəsə təşəkkür edib: “Hamınızın şərhlərini oxuyuram. Amma bir-bir sizə cavab yaza bilmirəm. Hamınıza minnətdaram. Azərbaycanlı olduğum üçün çox şanslıyam. Mənə bu qədər dəstək verən dostlar sağ olsun. Növbəti həftə məni mütləq izləyin. Ürəyimcə istədiyim bir səhnəni canlandırdım. Nə olduğunu demirəm, sürprizdir”. Qeyd edək ki, şou Hindistanın ən məşhur kanalı olan “ZEE TV”də hər həftənin şənbə və bazar günü yayımlanır.

 

Əhəd Miriyev

Faina Asadullayeva

 

Muz-tv.az