Günay İbrahimli: “Var olmağımın səbəbkarı”

Müğənni Günay İbrahimlinin anasının ad günüdür. Sənətçi İlhamə xanımı sosial şəbəkədə təbrik edib: “Bu gün məni dünyaya gətirən...

    Müğənni Günay İbrahimlinin anasının ad günüdür. Sənətçi İlhamə xanımı sosial şəbəkədə təbrik edib: “Bu gün məni dünyaya gətirən, var olmağımın səbəbkarı, hər an yanımda olub, mənə təklik hiss etdirməyən, mən güləndə gözləri parıldayan anamın dogum günüdür. Əvəzolunmaz varlığım, doğum günün mübarək”.

    Əməkdar artist Nüşabə Ələsgərli fobiyası olmadığını deyib. 

Müğənni yeganə qorxusunun əzizlərini itirmək olduğunu bildirib: “Heç nədən qorxmuram, fobiyam da yoxdur. Əvvəl bəzi fobiyalarım var idi. İnsan qorxusunun üstünə gedib ona öyrəşməlidir. Mən də bu cür edirdim. Hündürlüyə çıxa bilmirdim. Sonra başladım tez-tez hündür yerə çıxmağa, beləcə fobiyamdan xilas oldum. Bir də təyyarədə qorxurdum. Hərdən boşluğa düşəndə yanımda oturanın əllərini sıxırdım. İndi də hərdən o cür edirəm. Mən təyyarəyə minəndən düşənə qədər ancaq dualar oxuyuram”.

   Müğənni Röya Ayxan həmkarlarına söz atıb. Axşam.az-ın məlumatına görə, gecə yarısı gitara ilə çəkdirdiyi fotosunu İnstaqram səhifəsində paylaşan ifaçı bunları qeyd edib: “Gecə vaxtı hardan ağlıma gəldiniz? Şərait var, ancaq müğənni yoxdur ki, bu vaxt oxumağa hünəri çatsın”.  Həmkarı Zamiq Hüseynov Röyanın bu fikirlərinə “Bu vaxta qədər müğənni qalar? Mən bu vaxt ancaq pianoda ifa edə bilərəm,  oxuya bilmərəm”, deyə cavab verib.

   Müğənni İradə İbrahimovanın Türkiyənin “Promore Prodüksion” şirkəti ilə uzun müddətdir davam edən əməkdaşlığı bu günlərdə bəhrəsini verəcək. Artıq bir sıra yeniliklərə imza atan sənətçi bu silsilədən ilk olaraq albom təqdim edəcək. Oktyabrda işıq üzü görməsi nəzərdə tutulan albom haqqında ifaçının Türkiyədəki mətbuat əlaqələndiricisi məlumat paylaşıb.  Artıq radio dalğaları sənətçimizin “Olmamalıydı” adlı albomundan xəbərdardır. Albomun ilk çıxış mahnısı olan “Olmamalıydı”nın söz və musiqi Şəhrazata, aranjimanı Ozan Çolakoğluna məxsusdur. Bir çox sürpriz adların müəllifi olduğu mahnılardan ibarət diskin musiqi direktoru İsra Gülümsərdir. Xatırladaq ki, eyni adlı mahnıya bir müddət əvvəl Gülşən Aybaba klip çəkib.  16 saata tamamlanan ekran işi 40 nəfərdən ibarət heyətlə Kilyosta lentə alınıb. Yaxın günlərdə işıq üzü görəcək “Olmamalıydı” ilə İradə İbrahimova Türkiyədə iddialı bir başlanğıc etməyə hazırlaşır.

 

Əhəd Miriyev

Faina Əsədullayeva

 

Muz-Tv.az