Sinəmin Ardanın dəstəyi ilə qurduğu şirkəti bağlandı

Türkiyəli aktrisa Sinəm Kobalın 3 il əvvəl keçmiş sevgilisi, futbolçu Arda Turanın dəstəyi ilə qurduğu “CGS” adlı prodüser şirkəti fəaliyyətini dayandırıb.

     Türkiyəli aktrisa Sinəm Kobalın 3 il əvvəl keçmiş sevgilisi, futbolçu Arda Turanın dəstəyi ilə qurduğu “CGS” adlı prodüser şirkəti fəaliyyətini dayandırıb.Axşam.az “Hürriyət”ə istinadən xəbər verir ki, aktrisanın Gülşən Aybaba və  Cemre Kemer adlı rəfiqələri ilə ortaq şəkildə açdığı şirkət müflisləşməyə doğru getdiyi üçün bağlanılıb. Belə ki, “CGS” 3 il ərzində cəmi bir klip çəkə bilib. S.Kobal şirkətin heç bir xeyir vermədiyini görüb şərikləri ilə birgə onun fəaliyyətini dayandırmaq qərarına gəlib.  Aktrisa bu barədə açıqlamasında “Bir də heç vaxt prodüserlik etmərəm, kamera önünüdə olmaq daha yaxşıdır” deyib.

     Ukraynalı müğənni Ani Lorak uzun illərdir ki, öz mükəmməl bədən quruluşunu avanqard geyimləri ilə pərəstişkarlarına sərgiləməkdədir. Lorak formada qalmağın zəhmət tələb etdiyini bildirib. Müğənni düzgün qidalanmaqla yanaşı, həmçinin intensiv olaraq idmanla məşğuldur. 35 yaşlı Ani müsahibəsində hər səhər idman etdiyini söyləyib:  “Məncə, bədən quruluşunu idarə etmək üçün bir sistem olmalıdır. Mən səhər yuxudan duran kimi bir neçə idman hərəkəti edirəm. Bu həm də günə pozitiv başlamağıma kömək edir. Gənc yaşlarımdan bu rejimə tabeyəm. Uşaqlıqda model Sindi Kroufordun kasetlərini izləyərək idman edirdim”.  Müğənni hesab edir ki, arıqlamağın ən əyləncəli yolu rəqs etməkdir: “Mənim üçün rəqs arıqlamağın ən mükəmməl üsuludur. Rəqs etmək xeyirli olduğu qədər də, əyləncəlidir. Musiqidən zövq alaraq kalori itirə bilirsən”.

    Rusiyalı müğənni Nataşa Koroleva ilk dəfə ailəsi ilə bağlı danışıb. O deyib ki, nənəsi 15 yaşında olarkən məcburən 44 yaşlı kişiyə ərə veriləcəkmiş: "Onun etirazlarına qulaq asmadan toy gününü təyin ediblər. Nənəm nikah günü başında fatası ilə qonşu kəndə qaçıb. İllərlə orada yaşayıb, müxtəlif işlərdə çalışıb, pul qazanıb. Bir gün çörək zavodundan işdən çıxarkən özü ilə yeməyə bir parça çörək götürüb. Heç kimin olmadığı tarladan keçəndə ac adamlar ona hücum edib. Həmin insanların arasında babam da olub. Onların tanışlığı elə oradaca başlayıb. Nənəm babamı aclıqdan xilas edib". Anasının qəddar polis işçisi olduğunu deyən Nataşa onu atasının böyütdüyünü bildirib.

     Müğənni Rafet El Roman müsahibələrinin birində oğlunun anası haqda danışıb. O, keçmiş sevgilisinin dayə olmadığını bildirib. İfaçı oğlu Edvanın anası Yeşim Yıldırımla bağlı bunları deyib: “Oğlumun anası ilə 7 il yarım bir yerdə olmuşam. Jurnalistlər isə hər dəfə “Dayədən oğlu oldu” deyə yazırlar. Halbuki, o, mənim sevgilim idi, mənimlə bir yerdə ikən, təbii olaraq, qızlarımın da qayğısına qalırdı”.  Xatırladaq ki, Rafet El Roman keçən ay özündən 23 yaş kiçik sevgilisi Ceren Kaplakarslanla ailə qurub.

 

Əhəd Miriyev

Faina Əsədullayeva

 

Muz-Tv.az