Bakıya gələn Aygün Kazımovaya sürpriz edildi
Bir müddətdir Türkiyədə olan xalq artisti Aygün Kazımova Bakıya gəlib. Müğənni sürprizlə qarşılaşıb. Belə ki, ifaçıya 100-dən çox qızılgül göndərilib.
Bir müddətdir Türkiyədə olan xalq artisti Aygün Kazımova Bakıya gəlib. Müğənni sürprizlə qarşılaşıb. Belə ki, ifaçıya 100-dən çox qızılgül göndərilib. Hədiyyəsinin fotosunu sosial şəbəkədə paylaşan xalq artisti “Mən sənsiz dəli rüzgar” şərhini yazıb. Qeyd edək ki, A.Kazımova bir müddət Bakıda qalacaq və efirlərdə qonaq olacaq.
Bu gün müğənni Zamiq Hüseynovun ad günüdür. Sənətçinin 31 yaşı tamam olur. Axşam.az-ın məlumatına görə, ifaçını gecə yarısı sənət dostları təbrik edib. Belə ki, müğənni Günay İbrahimli onun üçün tort alaraq, studiyada sürpriz hazırlayıb. O, gecədən videonu İnstaqramda paylaşaraq “İş başında ad gününü qeyd edirik. Təbriklər Zamiq” sözlərini yazıb. Z.Hüseynovu təbrik edən digər həmkarı isə Röya Ayxan olub. Gecə müğənni ilə görüşən Röya onun haqda bunları vurğulayıb: “Canım, əzizim ad günün mübarək. Min yaşa. Vallah sənin ürəyindən yoxdur. Tortumuz olmasa da, tiramisumuz var. Amma əvəzində yeyən ulduzların var”.
Rəqqasə-müğənni Sevda Sanəliyeva hamiləliyindən danışıb. Sənətçi hamiləliyi ağır keçirdiyini deyib: “Hamiləlik bir az ağır keçir. Amma buna görə pis olmuram. Əminəm ki, övladımı qucağıma almaq bütün bu əziyyətlərə dəyəcək. Mən gələcəkdəki ana olmaq xoşbəxtliyini düşünürəm. Hələ ki, cinsiyyətini bilmirəm. Mənim üçün oğlan və ya qız olmağı önəmli deyil. Əsas odur ki, övladım sağlam dünyaya gəlsin”. “Həyat yoldaşınız sizə sənətinizlə bağlı qadağalar qoyurmu” sualına isə Sevda belə cavab verib: “Xeyr. Əksinə dəstək olur, hər zaman yanımdadır. Bundan sonra da yaradıcılığıma davam edəcəm. Efirlərə öz istəyimlə çox çıxmıram. Hər verilişdə görünmək istəmirəm".
Bu il “Eurovision” musiqi yarışmasında ölkəmizi təmsil edən müğənni Dilarə Kazımova yeni fotosessiya edib. İfaçı təzə şəkillərini “İnstaqram” səhifəsində paylaşıb. Qeyd edək ki, bir müddət əvvəl nişanlanan D.Kazımova toya hazırlaşır. Müğənni sentyabrın 20-də nikah masasına oturacaq.
Əhəd Miriyev
Faina Əsəsdullayeva
Muz-Tv.az