Bred və Ancelinanın 425 milyon dollarlıq evlilik sözləşməsi
Bu yaxınlarda Fransada ailə quran Hollivud ulduzları – Bred Pitt və Ancelina Coli gündəmdən düşmür.
Bu yaxınlarda Fransada ailə quran Hollivud ulduzları – Bred Pitt və Ancelina Coli gündəmdən düşmür. Axşam.az xarici mətbuata istinadən xəbər verir ki, toy şəkillərini “Hello” və “People” jurnallarına 2 milyon dollara satan cütülüyün nikah müqaviləsində maraqlı maddələr var. Bred və Ancelinanın 425 milyon dollarlıq evlilik sözləşməsinin detalları açıqlanıb. Bu saziş onların mülkiyyəti ilə yanaşı, 6 uşağına aid olan məsələləri də əhatə edir. Məlumata görə, B.Pitt A.Colini aldadarsa, uşaqlar aktrisada qalacaq. Pul məsələlərinə gəlincə, hər iki tərəf nikahdan əvvəlki qazanclarına sahib olacaq. Evlilik müddətində əldə olunan gəlir isə uşaqlar – Maddox (13), Paks (11), Zahara (9), Vivienne (6), Şiloh (8) və Knoks (6) arasında bölünəcək. Pulun digər qismi xeyriyyə fondlarına bağışlanılacaq. Qeyd edək ki, müqavilədəki məlumata görə, Bred Pittin 240, Ancelina Colinin isə 185 milyon dollar sərvəti var.
Amerikalı müğənni Keti Perri "Harpers Bazaar" dərgisinin Rusiya versiyası üçün fotosessiya etdirib. Ifaçı şəkilləri ilə yanaşı açıq-saçıq müsahibəsiylə də diqqət çəkib. "Tezliklə 30 yaşım olacaq. Sevgili tapmaq şansım daha da azalır. İstəyirəm ki, münasibət quracağım kişinin yumor hissi olsun, məni güldürsün, problemləri unutdursun. Eyni zamanda o, musiqidən anlasın, hissiyatlı və intellekt sahibi olsun. Mən başqa insanlarla da münasibətim qurmuşam. Təəssüf ki, hamısı anlaşılmazlıq ucbatından bitib" - deyə K.Perri bildirib. 29 yaşlı Ketinin sözlərinə görə, onunla tanış olmaq elə də asan deyil: “Tanışlıqları əsasən dostlarım və onların yaxınları vasitəsiylə qururam. Biz tez-tez nahar hazırlayır və söhbət edirik".
Narkotik ticarəti cinayətindən haqqında həbs qərarı çıxan türkiyəli müğənni Dəniz Səkidən yeni xəbər var. Polis tərəfindən maydan bəri tutula bilməyən sənətçinin təzə albomu çıxacaq. Belə ki, prodüser Bülənt Seyhan ifaçının ailəsi vasitəsilə ondan bu barədə razılıq aldığını bildirib. D.Səkinin “İz “ adlı yeni albomu oktyabrda işıq üzü görəcək. Dənizin gizləndiyi yeri bilmədiyini deyən Seyhan “O, çox yaxşı müdafiə olunur. Əminəm ki, hardasa sadə və çox gözəl həyat yaşayır” açıqlamasını verib. Qeyd edək ki, Dəniz Səki 6 il 3 ay müddətinə azadlıqdan məhrumetmə cəzası alıb.
“Ceyms Bond” filmlərində canlandırdığı cani obrazlarıyla tanınan aktyor Riçard Kiel 74 yaşında dünyasını dəyişib.1977-ci ildə çəkilən “The spy who loved me” (“Məni sevən casus”) və 1979-cu il istehsalı olan “Moonraker” (“Ay yarışçısı”) filmlərindəki performansı ilə yaddaşlarda iz qoyan aktyor Kaliforniyada xəstəxanada həyatla vidalaşıb. Kielin ölüm səbəbi haqqında ətraflı məlumat verilmir. Boyunun uzunluğu ilə də (2 metr 18 santimetr) məşhur olan Riçard 1939-cu ildə Amerikanın Miçiqan ştatında dünyaya gəlib. Bu günə qədər “Happy Gilmore” (“Xoşbəxt Qilmor”), “Street of hate” (“Nifrət küçəsi”), “The Incredible Hulk” (“İnanılmaz Halk”) kimi məşhur filmlərdə çəkilib. “Ceyms Bond”dakı Cyus (Jaws) obrazını canlandırmaqdan ötrü “Ulduz savaşı” filmindəki Darth Vader rolundan imtina etmişdi.
Əhəd Miriyev
Faina Əsədullayeva
Muz-Tv.az