Xalq artisti Arif Məlikovun 81 yaşı tamam oldu

Xalq artisti Arif Məlikovun ad günüdür. Axşam.az-ın məlumatına görə, 1933-cü ildə anadan olan bəstəkar-rəssamın 81 yaşı tamam olur. 

     Xalq artisti Arif Məlikovun ad günüdür. Axşam.az-ın məlumatına görə, 1933-cü ildə anadan olan bəstəkar-rəssamın 81 yaşı tamam olur. A.Məlikov Bakıda dünyaya göz açıb. 1958-ci ildə Üzeyir Hacıbəyov adına Azərbaycan Dövlət Konservatoriyasını bəstəkarlıq sinfi üzrə bitirib. Dövlət mükafatı laureatı (1986), Azərbaycan Milli Elmlər Akademiyasının müxbir (2001) və həqiqi (2014) üzvüdür. A.Məlikov “Sehirli xalat”, “Axırıncı aşırım”, “Qərib cinlər diyarında”, “Doğma sahillər” və s. məşhur filmlərə musiqi bəstələyib. Xalq artisti “Məhəbbət əfsanəsi”, “Ölümdən güclü”, “Yer üzündə iki nəfər”, “Əlibaba və qırx quldur”, “İki ürək dastanı”, “Yusif və Züleyxa” baletlərinin, “Dalğalar” operettasının müəllifidir.

     Müğənni Röya Ayxan və Zamiq Hüseynov yeni duetlərini təqdim ediblər. "Sevdim" adlanan bəstənin sözləri və musiqisi MC Murada aiddir. Röya və Zamiq bu mahnıya klip çəkdirəcəklərini də deyiblər. R.Ayxan açıqlamasında bunun Zamiqlə oxuduğu sonuncu dueti olduğunu vurğulayıb.

     Müğənni Ayan Babakişiyeva istirahətə hələ indi yollanıb. Sənətçi Barselonaya gedib. O, İspaniyaya qardaşı Samirlə birlikdə yola düşüb. Bütün yayı qızına görə dincəlməyən Ayan onu özü ilə aparmayıb. Müğənni açıqlamasında həkimlərin qızına hava dəyişikliyini qadağan etdiyini deyib.

     Xalq artisti Ağadadaş Ağayev övladının toyundan danışıb. İfaçı sentyabrda baş tutacaq mərasimdə sənət adamlarının çox olacağını deyib: "Bu, oğlumun öz seçimidir. Gəlini bəyənib, istəyib. Onun seçiminə qətiyyən qarışmadım. Düzdür, oğlum üçün mən də narahat olur, həyəcan keçirirəm. Kimi seçdiyi ilə maraqlanıram. Amma tanıdığım bir ailənin övladı olduğu üçün ikiəlli razılaşdım. İstəyirəm hay-küysüz bir məclis olsun. Daha çox sənət dostlarımı dəvət edəcəm. Hansı toyda ki gənclər var düşünürəm, orada dinamika lazımdır. Müğənnilər oxuyacaq, oturanlar da musiqidən zövq alacaqlar. Aparıcı, rejissor olmayacaq. Bütün ifaçılar növbə ilə ifalarını təqdim edəcəklər. Türkiyədən də bir sənətçini dəvət etmişəm. Vaxt uyğun gəlsə, o da qonağım olacaq. Adını sürpriz saxlayıram".

 

Əhəd Miriyev

Faina Əsədullayeva

 

Muz-Tv.az