İbrahim Tatlısəs : “Məndə pul qurtarmaz”

Türkiyəli müğənni İbrahim Tatlısəsin müflis olması ilə bağlı xəbər yayılıb. 

    Türkiyəli müğənni İbrahim Tatlısəsin müflis olması ilə bağlı xəbər yayılıb. Axşam.az-ın məlumatına görə, 62 yaşlı müğənninin səsi ilə bağlı yaşadığı problemlə əlaqədar layihələrini reallaşdıra bilmədiyi deyilib. Mediada "İmperator"un ABŞ-da əməliyyat olunacağı, buna görə də Bodrum və Quşadasındakı otellərini satışa çıxardığı yazılıb. Yayılanların şayiə olduğunu iddia edən İ.Tatlısəs İnstaqram səhifəsində məsələyə aydınlıq gətirib: "Tatlısəs TV" açıldı, maddi sıxıntım yoxdur. Bunları hardan çıxarırsınız bilmirəm. Həkimdən heç bir xəbər gözləmirəm, əməliyyatlıq bir halım da yoxdur. Otellərimi satıram, bundan sizə nə? Gəlib qapınızı döyüb, pul istədim? Məndə pul qurtarmaz, sadəcə, bir az azalar. Bu halımla belə xeyriyyə işləri görürəm, bunu bilirsiniz? Hardan biləcəksiniz ki, axı bunları heç yerdə danışmıram. Pulun və imanın kimdə olduğunu Allah bilir. Bunlar xəbər deyil, başqa şeylər yazın. İstəyirsiniz sizə məlumat verim: Seyrantəpədə beşulduzlu otel tikdirirəm, yeni təyyarə sifariş vermişəm. Qismət olsa, gələcək".

    Dünya şöhrətli müğənni Ledi Qaqa Türkiyədədir. Atatürk Hava Limanında pərəstişkarları tərəfindən sevinc və göz yaşları ilə qarşılanan sənətçi sentyabrın 16-da İstanbulda konsert proqramı ilə çıxış edəcək.  Xüsusi təyyarəylə hava limanına enən L.Qaqa fanatları ilə bol-bol şəkil çəkdirib. Libası və davranışlarıyla diqqət çəkən pop ulduz daha sonra qalacağı otelə yollanıb. Qeyd edək ki, bu, Ledi Qaqanın ilk Türkiyə səfəridir. Həmin səyahət üçün ifaçının üçün xüsusi planları var. O, əvvəlcə türk hamamına gedib, lokum yemək istədiyini söyləyib. Müğənni qardaş ölkəyə 144 nəfərlik bir heyətlə yollanıb. Onun özü ilə səhnə geyimləri üçün 14 qarderob apardığı öyrənilib.

   Sonuncu dəfə “Vicoria`s Secret”in dəfiləsində 2 milyon dollarlıq alt paltarı sergiləyən məşhur model Miranda Kerr gündəlik həyatında da brend geyimlərə üstünlük verir. Avstraliyalı model ən bahalı markalarla maraqlanır. Bu yaxınlarda onun Nyu-Yorkda alış-veriş mərkəzlərinin birində geyim və aksesuarlarına ümumilikdə 30 min dollar pul xərcləyib.

   Dünya şöhrətli müğənni Beyons və repçi Cey Zi Fransada konsertləri zamanı tamaşaçılara sürpriz ediblər. Cey Zi ifa etdiyi mahnılardan birinin sözlərini dəyişərək; “Çünki o, ikinci dəfə hamilədir” cümləsini işlədib. İzləyicilərə bu xəbəri qeyri-adi yolla çatdıran cütlük daha sonra bununla bağlı heç bir rəsmi açıqlama verməyib. Konsertdən sonra Beyons bir neçə dəfə əli qarnında görüntülənib.  Xatırladaq ki, son zamanlar cütlüyün boşanacağı haqda şayiələr gəzirdi. Beyons şəxsi problemlərini ictimailəşdirməyərək bu xəbərləri şərh etmirdi. Aralarındakı məsələni həll edən cütlük son zamanlar olduqca mehriban görünür. Qeyd edək ki, Beyons və Cey Zinin 3 yaşında Blu Ayvi adlı qızı var.

 

Əhəd Miriyev

Faina Əsədullayeva

 

Muz-Tv.az