Petek Dinçöz : ”Ölümü gözə aldım”

İş adamı Sərkan Kodaloğlu ilə ailə quran türkiyəli müğənni Petek Dinçöz qatıldığı televiziya verilişlərinin birində maraqlı açıqlamalar verib. 

    İş adamı Sərkan Kodaloğlu ilə ailə quran türkiyəli müğənni Petek Dinçöz qatıldığı televiziya verilişlərinin birində maraqlı açıqlamalar verib. Ana olmaq istədiyini söyləyən ifaçı doğuş zamanı ölüm riski daşıdığını bildirib: “Anadangəlmə boyun sümüyüm əyridir. Bunu boynum tutularkən həkimə getdiyim zaman bilmişəm. Mənə hamiləlik müddətimi çox çətin keçirəcəyimi, hətta doğuş zamanı iflic olma və ya ölüm riski daşıdığımı dedilər. Amma mən həkimimə “ölümü gözə aldım, elə et ki, ana olum” söylədim. Əgər körpəmi dünyaya gətirərkən ölsəm, uşağıma atası çox yaxşı baxacaq. Nə olursa-olsun, analıq hissini yaşamaq istəyirəm. Psixoloji olaraq özümü buna hazır hesab edirəm”. Qeyd edək ki, bir müddət əvvəl Petek Dinçöz körpəsini canlı yayımda dünyaya gətirəcəyini deyərək medianın əsas xəbər mövzusuna çevrilmişdi.

    Rusiyalı müğənni, aparıcı Anna Semenoviç hər kəsi təəccübləndirən açıqlama verib. Axşam.az-ın məlumatına görə, sənətçi "7days.ru" saytına müsahibəsində layihələri üçün hər bir qeyri-adi hala hazır olduğunu deyib: "Görünüşümdə yeniliklər etməkdən çəkinmirəm. Rolum xatirinə istənilən eksperimentlərə hazıram. Lazım gələrsə, üzümü belə qırxar, saçlarımı çəhrayı, mavi rəngə boyayaram. Bunda pis nə var ki?".

    Hollivud ulduzu Nikol Kidman həyatının ən ağır günlərini yaşayır. Keçən həftə atasını itirən Nikol həmin vaxtdan ailəsinin Avstraliyadakı evindədir. 47 yaşlı ulduzun həyat yoldaşı Kit Urban çətin günlərində aktrisanın yanındadır. Atasının ölümü ilə şoka düşən N.Kidman göz yaşlarını gizlətmək üçün qara günəş eynəyi taxır. Xatırladaq ki, aktrisanın atası psixoloq Antoni Kidman keçən həftə Sinqapurda yaşayan qızı Antoniyanı ziyarət etməyə getdiyi zaman qaldığı otelin yeməkxanasında yıxılaraq vəfat etmişdi. Polislər Kidmanın müəmmalı ölümünün səbəblərini araşdırmağa başlayıb. Qeyd edək ki, Kidmanlar ailəsi sonuncu dəfə yanvarda Antoni ilə həyat yoldaşı Canellenin evliliklərinin 50 illik yubileyində bir araya gəlmişdi. Nikol Kidman isə axrıncı dəfə atası ilə avqustda Nyu-Yorkda görüşüb.

   Hollivud ulduzu Ancelina Coli gəmi göyərtəsində görüntülənib. Coli həyat yoldaşı Bred Pittlə birlikdə Maltada həm bal ayına çıxıb, həm də film çəkilişindədir. Dəniz səyahətinə hazırlaşan 39 yaşlı aktrisa sürprizlə qarşılaşıb. Belə ki, Ancelina göyərtəyə qalxan zaman başda kapitan olmaqla, gəminin bütün heyəti onu hərbi salamla qarşılayıb. Matroslarla əhatələnən aktrisa bu isti münasibətdən təsirlənib. Xatırladaq ki, məşhur cütlük hazırda A.Colinin ssenari müəllifi olduğu filmin çəkilişinə hazırlaşır. Aktyorlar ekran işində də evli cütlüyü oynayacaq. Bal ayında olan ulduzlar çəkiliş meydançasında ailə həyatı ağır keçən, hətta sonlanmaq üzrə olan qəhrəmanları canlandıracaqlar.

 

Əhəd Miriyev

Faina Əsədullayeva

 

Muz-Tv.az