Abbas Bağırov dayı olub

Əməkdar artist Abbas Bağırov dayı olub. Axşam.az-ın məlumatına görə, “Hər şey daxil” verilişinin qonağı olan müğənni sentyabrın 12-də çox gözəl gün yaşadığını deyib: 

    Əməkdar artist Abbas Bağırov dayı olub. Axşam.az-ın məlumatına görə, “Hər şey daxil” verilişinin qonağı olan müğənni sentyabrın 12-də çox gözəl gün yaşadığını deyib:  “Uşağın dünyaya gəlməsi tamam başqa hissdir. Bacım ana oldu. Oğlu dünyaya gəldi, adı Hüseyndir. Deyirəm, uşaq bir həftə sizdə qalsın, sonra aparacam öz evimə”. Daha sonra görünüşündən danışan A.Bağırov heç vaxt kompleks yaşamadığını bildirib: “İstər arıq, istərsə də kök vaxtlarımda kompleks yaşamamışam. Amma saç düzümümlə bağlı narazılıqlar olub. Köhnə çəkilişlərimə baxanda saçıma görə əsəbləşirəm”.

   Əməkdar artist Elza Seyidcahan dəniz kənarındakı istirahət mərkəzlərinin birindən küsüb gedib:“Bu yaxınlarda dəniz kənarına dincəlməyə getmişdim. Elə mahnılar qoymuşdular ki, əsəbləşib, şələ-şüləmi yığıb, küsüb çıxdım. Deyirəm, bu nədir, dincəlməyə gəlmişəm, onu söndürün. Dənizin səsi ondan yaxşıdır. “Balam, ürəyim” kimi mahnıları qoyublar. İstirahət etməyə imkan vermirlər. Belə insanları gərək tərbiyələndirəsən. Bir diskə gözəl mahnılarımızı yazıb, yanımda gəzdirəcəm, belə məkanlara gedəndə verəcəm”.

   Xalq artisti Zülfiyyə Xanbabayeva yeni mahnı hazırlayır. Musiqisi Emin Kərimiyə, sözləri MC Murada aid olan bəstənin adı “Hava limanı”dır.  Bəstənin aranjimanı da Emin Kərimiyə məxsusdur.

    Müğənni Günay İbrahimli xalq artisti Polad Bülbüloğlunun repertuarına müraciət edib. Sənətçi “Aman ayrılıq” bəstəsini səsləndirib. Mahnını yeni aranjimanda təqdim etdiyini deyən G.İbrahimli bu işdə ona Emin Kəriminin yardımçı olduğunu bildirib.

 

Əhəd Miriyev

Faina Əsədullayeva

 

Muz-Tv.az