Leonardo Di Kaprio səfir təyin olundu

Hollivud ulduzu Leonardo Di Kaprio səfir təyin edilib. Axşam.az-ın Türkiyə mətbuatına istinadən xəbərinə görə, aktyor BMT-nin planetin iqlim məsələləri üzrə səfiri seçilib.

    Hollivud ulduzu Leonardo Di Kaprio səfir təyin edilib. Axşam.az-ın Türkiyə mətbuatına istinadən xəbərinə görə, aktyor BMT-nin planetin iqlim məsələləri üzrə səfiri seçilib. Bununla bağlı açıqlama verən təşkilatın baş katibi Pan Gi Mun ona güvəndiklərini bildirb: “Cənab Di Kaprio - ətraf mühitin müdafiəsindən çox güvəndiyimiz addır. Onun vədləri gücləndirəcək çox böyük bir platforması var”. O, eyni zamanda 39 yaşlı Di Kaprionun sentyabrın 23-də, Nyu-Yorkda, BMT-nin sammitində iqlim dəyişiklikləri problemləri ilə bağlı çıxış edəcəyini bildirib. Məşhur aktyor ona bu ciddi vəzifənin verilməsindən şərəf duyduğunu və problemlə mübarizə aparacağını bildirib.

    Türkiyəli aktrisa Fahriyyə Evcen "Kurt Seyid və Şura" serialının çəkiliş məkanında dava salıb. Aktrisa yaradıcı heyətin onu çox gözlətdiyini söyləyərək "Mənim işim var, bu qədər gözləyə bilmərəm" deyib və çəkiliş məkanından uzaqlaşıb.  Serialın rejissoru Hilal Saral məcburən çəkilişləri təxirə salıb. Xəbər təşkilatçı Kərəm Çataya çatdırılıb. Kərəm Evcenə zəng edərək, səhəri gün mütləq çəkiliş məkanına gəlməsini tapşırıb. Qeyd edək ki, Fahriyyə bundan əvvəl də rol aldığı serialların çəkiliş meydançasında söz-söhbət yaradıb.

    Dünyaca məşhur ulduz Cessika Simpson həyat yoldaşı Erik Consonu ad günü münasibətiylə təbrik edib.  Bu münasibətlə 32 yaşlı aktrisa həyat yoldaşının uşaqlıq şəkillərini sosial şəbəkədə yayıb. O, fotoların yanına "Gəlin, dünyanın ən seksual kişisini təbrik edək" sözlərini yazıb.  Erik isə ona "Bu şəkillərdə sanki qızımızı görürəm" deyə cavab verib. Qeyd edək ki, Cessika və Erik bu ilin iyununda Santa-Barbarada evlənib. Nikahdan əvvəl 4 il sevgili olan cütlüyün bir qızı və bir oğlu var.

    Məşhur britaniyalı aktrisa-model Keti Prays yeni doğulan körpəsinin fotolarını “OK” jurnalında paylaşıb. Ona xəyanət edən həyat yoldaşı Kieran Hayleri bağışlayan model körpəsinə Banni adını qoyduqlarını açıqlayıb:  “Anadan olanda o qədər balaca idi ki, Kieran onu tək əliylə saxlayırdı. Doğuşdan sonra artıq çəkilərimdən xilas olmağa başlamışam”. Xatırladaq ki, Keti Prays həyat yoldaşı K.Hayleri öz evində yaxın rəfiqəsi ilə birlikdə tutmuş, lakin Kieranın üzr istəməsindən sonra onu bağışlamışdı.

 

Əhəd Miriyev

Faina Əsədullayeva

 

Muz-Tv.az