Mətanət İsgəndərlinin ailəsində sevincli gün

Əməkdar artist Mətanət İsgəndərli sosial şəbəkədə nəvəsinin yeni fotolarını paylaşıb. 

     Əməkdar artist Mətanət İsgəndərli sosial şəbəkədə nəvəsinin yeni fotolarını paylaşıb.Müğənni Ruhlanın 1 yaşı olduğunu qeyd edib: “Şirin nəvəm - Ruhlanımın 1 yaşı olur. Bütün ad günü olan körpələri təbrik edirəm, bağrıma basıram. Allah hər bir ailəyə nəvə sevinci nəsib etsin”.Qeyd edək ki, Ruhlan M.İsgəndərlinin oğlu Kərimin övladıdır. Onun 5 yaşında Tuncay adlı daha bir oğlu da var.

     Müğənni-bəstəkar Emin bu günlərdə işıq üzü görəcək yeni sinqlında yer alacaq mahnısını “Youtube” kanalında paylaşıb. O, “Woman” (“Qadın”) adlanan mahnının bütün dünyada satışa çıxarılacağını vurğulayıb: “Dünyada işıq üzü görəcək “Woman” adlı mahnımın akustik versiyası”.Emin sözügedən bəstəni Almaniyada olarkən qonaq olduğu kanallardan birində səsləndirib. Qeyd edək ki, O, Çarli Uilyams imzalı mahnının seviləcəyini iddia edib.

     Müğənni Elariz Məmmədoğlu toyda adam döyməsi ilə bağlı xəbərlərə aydınlıq gətirib. O, həqiqətən də, belə bir hadisənin baş verdiyini bildirib: “Mənim iştirak etdiyim toylar mədəni olur. Biri istisna təşkil etdi. Gəlinin dayısı oxuduğum yerdə gəlib qulağıma söyüşlər söydü. Deyir, niyə o müğənnini bura gətirmisən, tərbiyəsizdir. Cavab verdim ki, mən dəvət etməmişəm, gəlinlə bəy çağırıb. Mən də səbirli olmağıma baxmayaraq, söyüşdə özümü saxlaya bilmirəm. Birtəhər oxudum. Gözümü də ondan çəkmirəm ki, məclisdən getməsin, oxuyub qurtarım, onun cavabını verim. Təxminən 40 yaşı olardı, enlikürək, bir yumruğu mənim iki başım boyda idi. Mərasimi yaxşı apardım. Gəlinlə bəy restoranı tərk edəndən sonra həmin adamı çağırdım ki, sən getmə. Bunu qəşəng döydüm, ağzı-burnu dağıldı, yerə yıxıldı. Cangüdənlər gəlib soruşdular ki, bunu kim yıxıb? Cavab verdim ki, mən. Dedilər sən adam da döyə bilirsən? Neyləyim, məcbur etdilər”.

 

Əhəd Miriyev

Faina Əsədullayeva

 

Muz-Tv.az