Şakira Ginnesin rekordlar kitabına düşdü

Dünyaca məşhur ulduz Şakira "Ginnesin rekordlar kitabı"na düşüb. 

     Dünyaca məşhur ulduz Şakira "Ginnesin rekordlar kitabı"na düşüb. Axşam.az-ın xarici mətbuata istinadən xəbərinə görə, kolumbiyalı müğənni "Facebook" sosial şəbəkəsində 100 milyon izləyici toplayıb. Ən çox izləyicisi olan ifaçı sözügedən kitaba daxil olub. Şakira ilə birlikdə məşhur reper Eminemin də adı "Ginnesin rekordlar kitabı"na yazılıb. O, 6 dəqiqəlik bir kompozisiyada 1560 söz işlədərək, "Ən danışqan məşhur" adını alıb. Daha bir məşhur rekordçu müğənni Keti Perri olub. O, "Twitter-in ən məşhur ulduzu" adına layiq görülüb. Belə ki, ifaçının sosial şəbəkədə 52 milyon izləyicisi var.

     Amerikanın məşhur reperi Simon Batll Los-Ancelesdəki evində intihar edib. 25 yaşlı müğənni özünü yataq otağındakı qarderobundan asıb. Qeyd edək ki, Simon məşhur “X-factor” yarışmasında uğurlu çıxışlarıyla tanınmışdı. Daha sonra “GRL” qrupunun üzvü olaraq yaradıcılığına davam edən reperin atası hələ də olanlara inana bilmir.Qızıyla hər gün zəngləşən valideyni Simonun problemlərindən xəbərsiz olub. Qeyd edək ki, müğənni Nikol Şerzinqer Afrikada keçirəcəyi konsertini Simona həsr edəcəyini bildirərək yaxınlarına səbr diləyib.

     Nyu-Yorkda keçirilən ənənəvi “Beynəlxalq Moda Həftəsi” davam edir. Tədbirdə dünyanın ən məşhur dizaynerlərinin işləri nümayiş olunur. İndiyə kimi moda həftəsində Aleksandr Vang, Lakoste, Altuzarra və başqa dizaynerlərin yeni kolleksiyası sərgilənib. Bir çox Hollivud ulduzu da bu tədbirin fəal iştirakçısı olub. Moda nümayişlərini öz fərqli libasları ilə bəzəyən tanınmışlardan biri də müğənni Rihannadır. Hər gün rəngarəng geyimlərlə diqqət çəkən R&B ifaçısının seçdiyi aksesuarlar da maraqla qarşılanıb. Birinci gün ağ və tərzinə görə olduqca qapalı geyinən Rihanna, mətbuat tərəfindən Disney qəhrəmanlarına bənzədilib. Ertəsi gün, qara uzun pencəyin altından sadəcə alt paltar geyinməyə üstünlük verən ulduz qonaqların diqqətini podiumdan çox özünə yönləndirməyi bacarıb.Qeyd edək ki, Nyu-Yorkda keçirilən moda həftəsi sentyabrın 11-nə qədər davam edəcək.

    “Çocuklar duymasın” serialından Məltəm obrazı ilə tanınan türkiyəli aktrisa Pınar Altuğ aktrisalıq sənətindən getmək qərarına gəlib.Bir vaxtlar yemək proqramları ilə efirə çıxan P.Altuğ yenidən əvvəlki işinə qayıdacağını deyib. O, bundan sonra karyerasına aparıcı kimi davam edəcək.

 

Əhəd Miriyev

Faina Əsədullayeva

 

Muz-Tv.az