Ebru Gündəş yeni libasına 400 min xərcləyib

Türkiyəli müğənni Ebru Gündeş münsifi olduğu “O səs Türkiyə” yarışmasının yeni mövsümündə geyinmək üçün aldığı paltarlara 400 min lirə (təxminən 140 min manat) pul xərcləyib.

     Türkiyəli müğənni Ebru Gündeş münsifi olduğu “O səs Türkiyə” yarışmasının yeni mövsümündə geyinmək üçün aldığı paltarlara 400 min lirə (təxminən 140 min manat) pul xərcləyib.Axşam.az “Hürriyət”ə istinadən xəbər verir ki, qış qarderobunu yeniləyən sənətçi həyat yoldaşı, azərbaycanlı iş adamı Rza Zerrab və qızı Alara üçün də libaslar alıb. E.Gündeş mağazadan çıxarkən əşyalarının villasına göndərilməsini istəyib. Qeyd edək ki, ifaçının ödədiyi məbləğ bir evin puludur. O, keçən il də 1, 5 milyon lirə (təxminən 525 min manat) alış-veriş qarşılığında 300 min lirə (təxminən 105 min manat) bonus yığmışdı.

     İtaliyanın Verona şəhərində dünya şöhrətli xizəkçilərin və opera sənətçilərinin qatıldığı “İntimissimi on İce Opera Pop” (“Buz üzərində İntimissimi Pop Operası”) tədbiri keçirilib. Gecədə “İntimissi” geyim brendinin payız-qış kolleksiyaları göstərilib. Nümayişdə rusiyalı model İrina Şeyk, braziliyalı model Anna Beatris Barros, türkiyəli aparıcı Burcu Əsmərsoy, model Tülin Şahin, Türkiyə millisinin baş məşqçisi Fatih Terimin qızı Busə Terim kimi moda və şou dünyasının məşhur simaları iştirak ediblər.  Tədbiri xizəkçilərin möhtəşəm rəqsləri və opera müğənnilərinin klassik və müasir musiqiləri bəzəyib.

     Aktrisa, rejissor, prodüser və 6 uşaq anası Ancelina Coli eyni vaxtda bir neçə layihə üzərində işləyir.Bu yaxınlarda Bred Pittlə Fransada evləndikdən sonra yeni filminin çəkilişlərinə başlayan Hollivud ulduzu daha bir ekran işinin yaradıcı heyətində yer alıb. Coli Erik Rotun ssenarisinə əsasən çəkiləcək “Afrika” filminin prodüseri olacaq. Ekran işinin süjet xətti keniyalı siyasətçi Riçard Likinin həyatı üzərində qurulub. Liki Keniyada “Heyvanların məhvinə qarşı mübarizə komitəsi”nin lideri olub. Xatırladaq ki, hazırda aktrisa rejissoru olduğu “By The Sea” (“Dəniz kənarında”) filminin çəkilişi üçün ailəsi ilə birlikdə Malta adasındadır.

     Hollivud ulduzu Tom Kruzun oğlu Konnor Kruz din axtarışı üçün şərq səyahətinə çıxıb.Mənsubu olduğu "Saentologiya" (Scientology) təriqətindən ayrılan Kruz Mərakeşdə ruhani bir yolçuluğa başlayıb. Konnor Kruz Mərakeş səhrasında çəkdirdiyi fotoları "Dinimi axtarıram" şərhi ilə instaqram səhifəsində paylaşıb. Konnor Kruzun müsəlman ölkəsində çəkdirdiyi fotoşəkli bu qeydlə paylaşması onun İslam dinini araşdırması barədə müzakirələrə səbəb olub. Qeyd edək ki, Tom Kruz Nikol Kidmanla evli olanda Konnoru övladlığa götürüb.

 

Əhəd Miriyev

Faina Əsədullayeva

 

Muz-Tv.az