Serdar Ortaç həyat yoldaşına öpüşməyi qadağa etdi

Türkiyəli müğənni Sərdar Ortaç  həyat yoldaşı Xloe Luqnana çəkildiyi “Bəyaz qərənfil” serialında öpüşməyi qadağan edib. 

     Türkiyəli müğənni Sərdar Ortaç  həyat yoldaşı Xloe Luqnana çəkildiyi “Bəyaz qərənfil” serialında öpüşməyi qadağan edib. Bu səbəbdən serial yayımlanmadan gənc model rolundan imtina etməli olub. S.Ortaç serialdakı öpüşmə səhnələrinə qarşı çıxdığı üçün modelin aktrisalıq karyerası başlamadan bitib: “Nə qədər müasir düşüncəli biri olsam da, həyat yoldaşımın başqa kişiylə öpüşməsini qəbul edə bilmərəm. Əlbəttə ki, bu, Hollivud filmi olsaydı, bəlkə də göz yumardım. Xloe özü çox qısqancdır, bir gün üzüyümü taxmağı unutsam, mənimlə dalaşır. Sevgilimin parlaq gələcəyi var. Onunla birlikdə albom çıxaracağıq.” Qeyd edək ki, Xloe hazırda İrlandiyada uşaq dünyaya gətirəcək anasının yanındadır

    Hakerlərin hücumuna məruz qalan və çılpaq şəkilləri yayılan məşhur aktrisa Cennifer Lourens insanlardan uzaq olmaq üçün müğənni sevgilisi Kris Martinin evinə köçüb.Aktrisa bir çox şəxsi əşyasını “Koldpley” ("Coldplay")qrupunun solistinin Malibudakı iqamətgahına aparıb.  Qəzetlər isə Hollivudun digər ulduzu Qvinet Peltrou ilə boşanma ərəfəsində olan sənətçinin Lourenslə təsəlli tapdığını yazır.

    Türkiyəli müğənni Demet Akalın “Seda Sayan Şou” verilişinin qonağı olub. Proqramda iki sənətçi arasında gülməli dialoq yaranıb. Seda Sayan D.Akalının açıq-saçıq geyindiyini vurğulayaraq,“Mən sənin böyük bacınam, bu paltarı geyinmək istəyirsənsə, açıq-saçıq yerlərini bağlamalısan” deyib. 

Müğənninin bu zarafatı studiyada əyləşənlərin gülüşünə səbəb olub.

    Amerikalı müğənni Kristina Aqilera ikinci dəfə ana olduqdan bir ay sonra görüntülənib. Sənətçi nişanlısı Matyu Ratlerlə birlikdə reper Dreykin konsertində obyektivlərə tuş gəlib. Doğuşdan sonra ilk dəfə cəmiyyət içinə çıxan Kristina xeyli arıqlayıb. Xatırladaq ki, birinci övladından sonra K.Aqilera bir neçə ay artıq kilolarından qurtula bilmirdi. Müğənni hətta onu buna görə qınayanları susdurmaq üçün çəkisindən utanmadığı haqda mahnı ifa etmişdi. İkinci hamiləlikdən sonra isə Kristina sürətlə arıqlamağın yolunu tapıb.

 

Əhəd Miriyev

Faina Əsədullayeva

 

Muz-Tv.az