Oksana Hindistanda qalib oldu
“İndias Best Cine Star Ki Khoj” yarışmasında iştirak edən rəqqasə Oksana Rəsulova qalib olub.
“İndias Best Cine Star Ki Khoj” yarışmasında iştirak edən rəqqasə Oksana Rəsulova qalib olub. Axşam.az-ın məlumatına görə, sənətçi bu haqda sosial şəbəkədə yazıb: “Azərbaycanım mənim! Doğmam, əzizim... Allahın istəyi ilə, sizin dualarınızla, dəstəyinizlə mən Hindistanda yarışmanın birincisi oldum. Oksana Rəsulova və Sayyed Mamun “İndias Best Cine Star Ki Khoj”in qalibləridir. Sağ olun, var olun! Hamınızı sevirəm. Hələ də inanmağım gəlmir”.
Xalq artisti Məleykə Əsədova köməkçilərindən şikayətlənib. “Həyətdə işləməyə bağban, evə köməkçi tapmaq çətindir. Heç kim çətin, əziyyətli iş istəmir. Hamı rahat yolla qazanc əldə etmək arzulayır. Əsasən də kişilər... Evə köməkçi götürürsən, oğurluq edir. Qadın ağlayır ki, pulum yoxdur, amma iki telefon işlədir. Bütün günü sosial şəbəkədə olurlar. Mən bu qədər telefonla danışmıram. Kişi olsaydım, heç vaxt xanımıma telefon işlətməyə icazə verməzdim. Ev xanımısan, get uşağına bax. İki dəqiqədən bir “Facebook”a, “WhatsApp”a girirlər”.
Əməkdar artist Cavanşir Məmmədov kişilərin xəyanətindən danışıb. Müğənni bütün kişiləri “arvadbaz” adlandırıb: “Tanıdığım adamlar var ki, üç-dörd telefon işlədir. Axşam evə gedəndə birini maşında gizlədir. Kişilərin hamısı “arvadbaz”dır. Xəyanətdə bütün günahları qadının üstünə atmaq olmaz. Qadını yoldan çıxaran da kişilər və rəfiqəsidir”.
Müğənni İlhamə Qasımova əməkdar artist Elza Seyidcahandan danışıb. “Elza Seyidcahan fərqli bir şey ortaya çıxaranda heç bir dünya ulduzu bunu etməmişdi. Ekstravaqant müğənnidir. O, maraqlı layihələr hazırlayanda, libaslar geyinəndə heç Ledi Qaqa yox idi. İndi Ledi çıxıb onun etdiklərini təkrarlayır, dünyaya səs salır. Sonra da deyirlər ki, Elza xanım ondan götürüb. Amma bu fikirlə heç razı deyiləm. Həqiqətən də, bu cür yenilikləri dünyada ilk dəfə edən Elza Seyidcahan olub. Onun imicini Ledi Qaqa oğurladı. Elza xanımın bu fərqli addımlarını bəyənirəm”.
Əhəd Miriyev
Fazilə Əsədullayeva
Muz-Tv.az