Aygün Kazımova qızı ilə bağlı maraqlı məqamları açıqladı
Xalq artisti Aygün Kazımova qızı İlqarədən danışıb və yaxın günlərdə onun imicini dəyişəcəyini bildirib:“İlqarə mənim pəhrizim vasitəsiylə arıqlayıb.
Xalq artisti Aygün Kazımova qızı İlqarədən danışıb və yaxın günlərdə onun imicini dəyişəcəyini bildirib:“İlqarə mənim pəhrizim vasitəsiylə arıqlayıb. Nəhayət, onu istədiyim kimi görməyə başlayıram. Hələ qarşıda yaradıcı planları var. Onu gözləyənləri təəccübləndirəcək. Əvvəlcədən danışmıram. Qızım məndən fərqli olaraq, hər şeyi qabaqcadan deməyi sevmir. Yeni imiclə, təzə mahnılarla gələcək”. A.Kazımova yaxın günlərdə toy olacağını da bildirib:“Bu gün ən yaxın rəfiqəmin yeganə oğlu Fəqanın toyudur. Onu təbrik edirəm. Özümə də toy arzulayıram. Bu yaxınlarda, bilmək olmaz, bəlkə mənim də toyum oldu”.
Müğənni Samira Allahverdi musiqiyə olan hisslərindən yazıb. Axşam.az-ın məlumatına görə, sənətçi həyatında baş verən hər halı mahnılarında izah etdiyini vurğulayıb:“Duyğularımı şeirlə izah edə bilmirəm, çünki şairə deyiləm. Özümü kölgə və işıqlarla ifadə edə bilmirəm, çünki rəssam deyiləm. Düşüncələrimi hərəkətlərlə də ifadə edə bilmərəm, çünki rəqqas deyiləm. Lakin bunların hamısını musiqi ilə edə bilərəm”.
Türkiyə mətbuatı rəqqasə Oksana Rəsulovanın Hindistanda keçirilən rəqs yarışmasındakı qalibiyyətindən yazıb. “Bollywoodhaberleri.com” saytı sənətçinin hind aktrisası Preti Zintaya bənzədiyini vurğulayıb: “Hindistanda “İndias Best Cine Star Ki Khoj” yarışmasında qardaş ölkədən olan Oksana Rəsulova qalib gəlib. Oksana Bollivud ulduzu Preti Zintaya oxşarlığı ilə də diqqət çəkir. Qardaş ölkə - Azərbaycan qızını biz də təbrik edir, uğurlarının davamlı olmasını arzulayırıq”.
Müğənni Emil Bədəlov “Sənli məqamlar” adlı yeni mahnısını təqdim edib. Bəstənin sözləri Günel Əsgərovaya, musiqisi Nazim Məmmədova məxsusdur. Yenliklərindən danışan Emil efirlərə çıxmamasının səbəbini də açıqlayıb:“Nəfəs” adlı daha bir instrumental mahnı hazırlayırıq. Onun da musiqisi Nazimə məxsusdur. Xalq artisti Firuz Əliyevlə birlikdə “Yaz gəlincə” adlı bəstəni oxuyacağıq. Efirlərə çox çıxmıram. Çünki proqramda musiqiyə yer ayırmırlar. Hamı ancaq şəxsi həyatdan suallar verir. Ona görə də, verilişlərdən əksər halda imtina edirəm”.
Əhəd Miriyev
Faina Əsədullayeva
Muz-Tv.az