Brilliant Dadaşova: ” Duet oxuduqlarım cızığından çıxmasınlar”

Xalq artisti Brilliant Dadaşova duet ortaqlarından bəhs edib.Axşam.az-ın məlumatına görə, müğənni "Facebook" səhifəsində nadir hallarda duet oxumasının səbəbini...

    Xalq artisti Brilliant Dadaşova duet ortaqlarından bəhs edib.Axşam.az-ın məlumatına görə, müğənni "Facebook" səhifəsində nadir hallarda duet oxumasının səbəbini açıqlayıb: "Mirzə dayı (Mirzə Babayev - red.) ilə ifa rahatdır. 86 yaşlı insanın səsi mükəmməldir. Heyif... Tamamilə peşəkar insanlarla - Akif İslamzadə, Mirzə dayı ilə duetlər oxumuşam. Məni qınayıb, inciyənlər, bu cür ifalardan sonra necə sizinlə duet oxuyum? Onlardan sonra etiraz etməyə üzüm gəlməyib duet oxuduqlarım cızığından çıxmasınlar. Gedib papaqlarını göyə atsınlar".

   Meyxanaçı Namiq Qaraçuxurlu toya hazırlaşır. 
O, toyun 2015-ci ildə baş tutacağını bildirib: "Moskvada konsert verəcəm. Hazırda danışıqlar aparılır. Əgər şərtlərlə razılaşsaq, 2015-ci ilin martında orada gözəl bir konsertim olacaq. Şəxsi həyatıma bir az vaxt ayırmağa başlamışam. Konsertdən əvvəl şəxsi məsələmi həll etməliyəm. Oktyabrda Məhərrəmlikdir. O vaxta kimi işlərim çoxdur, çatdıra bilmərəm. Məhərrəmlikdən sonra toy olacaq. Bu da 2015-ci ilə düşəcək. Bəzən yaşlı ifaçılar deyirdi ki, şəxsi həyatı sənətə qurban verdim. Mənə qəribə gəlirdi. İndi görürəm ki, həqiqətən də elədir". N.Qaraçuxurlu biznesindən də bəhs edib. O, ayaqqabı satışı ilə məşğul olduğunu deyib: "Mən digərləri kimi biznesimi “bəzəyib-düzəməyəcəm”. Çəkmə satışı ilə məşğul oluram".

     Müğənni Xumar Qədimova yeni mahnısının hazırlıqlarını tamamlayıb.  “Bir də gəlməyəcək mənimtək qadın” adlı bəstənin musiqisi Xumar Qədimovanın özünə, sözləri isə Rəşad Məcidə məxsusdur. Mahnının təqdimatı sentyabrın 30-da saat 15:00-da Beynəlxalq Mətbuat Mərkəzində (BMM) keçiriləcək.

     Daha bir həmyerlimiz məşhur “Voice” müsabiqəsinin Rusiyada yayımlanan versiyası “Qolos” səs yarışmasına qatılıb.  Eldar Əhmədov adlı iştirakçı Müslüm Maqomayevin məşhur “Funiculi, Funicula”  mahnısını səsləndirib. 16 yaşlı azərbaycanlı ifaçı növbəti mərhələyə keçə bilməsə də, ümumilikdə münsiflər tərəfindən çox bəyənilib. Həmyerlimizin yaşının az olmasına baxmayaraq, möhtəşəm ifa nümayiş etdirməsi onların heyrətinə səbəb olub. Qeyd edək ki, “Qolos” səs yarışmasının münsif kürsüsündə Leonid Aqutin, Aleksandr Qradskiy, Pelaqeya və Dima Bilan kimi məşhurlar əyləşib. Xatırladaq ki, adıçəkilən müsabiqədə daha əvvəl digər həmyerlimiz Atəş Abbasov da iştirak etmişdi.

 

Əhəd Miriyev

 

Muz-Tv.az