Aygün Kazımova Türkiyəli məmur oğlu ilə eşq yaşayır

Xalq artisti Aygün Kazımova ötən gün şəxsi həyatı ilə bağlı yayılan xəbərlərə aydınlıq gətirib. 

    Xalq artisti Aygün Kazımova ötən gün şəxsi həyatı ilə bağlı yayılan xəbərlərə aydınlıq gətirib. Axşam.az-a açıqlama verən müğənni türkiyəli məmur oğlu ilə eşq yaşaması məlumatını təsdiqləyərək bunları bildirib: “Bu xəbərlər doğrudur. Fikrətlə bir müddətdir sevgiliyik. Hətta evlilik təklifi də almışam. Amma mən bu addımı atmaqdan qorxuram. Ailə ciddi məsələdir. Bir anda verilən qərar deyil. Qorxuram ki, ailə qurarıq, sabah deyər ki, sənəti at. Hər işimə müdaxilə edər. Bunu qəbul edə bilmərəm. Fikrət çox qısqancdır. Məni izləyir. Hətta sənət dostlarıma, yaxınlarıma, sənətimə, sevənlərimə də qısqanır. Bununla bağlı aramızda ciddi söhbət də olub. Ona izah etdim ki, mənim sənət dostlarımla münasibətlərim normaldır. Mən müğənniyəm, bu cür hallara alışmalıdır. Fikrət çox məşğul insandır, hər zaman yanımda ola bilmir. Səfərlərə çıxır. Amma telefonla daim əlaqə saxlayırıq. Onu mənimlə birlikdə konsertlərimdə, hansısa məclisdə görə bilməyəcəksiniz”. 

    Müğənni Röya Ayxan son vaxtlar haqqında çıxan söz-söhbətlərə sosial şəbəkədə yarızarafat cavab verib.Sənətçi məmur oğlu ilə sevgi yaşaması xəbərlərinə belə reaksiya verib:“Deyirəm, şəxsi təyyarəm olsaydı uçardım. Allahım sən mənə səbr ver, adam nə qədər bu insanların dedi-qodusuna dözər? Birdə ki, sevgilisiz düşməniniz olsun”. Qeyd edək ki, bir müddət əvvəl Röyanın məmur oğlu ilə sevgi yaşadığı, həyat yoldaşı Anar Cəlilovdan buna görə boşandığı xəbəri yayılmışdı. Məlumatda sənətçinin sevgilisi ilə Marmarisə şəxsi təyyarə ilə getdiyi bildirilmişdi.

    Müğənni Nadir Qafarzadə şou-biznesdəki həmkarlarından danışıb.“Bu şou aləmində hər cür insanlarla qarşılaşmaq olar. Mənə elə gəlir, bəzi efirlərin günahı var ki, qeyrəti olmayanı verilişə qeyrətdən danışmağa çağırır. Həmin adam da camaata “dərs keçir”. Əri olmayanı dəvət edirlər, ailədən danışır. Uşağı olmayan da uşaqdan bəhs edir. İmkan verin, yerimizdə oturaq. Adama demək lazımdır ki, get bozbaşını bişir. Sən bizə, ümumiyyətlə Azərbaycan xalqına ailədən, qeyrətdən dərs keçmə. Çünki sənin ailəndə “qeyrət”, “namus” sözü yoxdur. Gecə saat 2-də, ya da 3-də evinə gələn qadın hansı ailədən danışa bilər?”

    Türkiyədə yaşayan müğənni Azəri Günel Zeynalova plastik əməliyyat etdirmək istəyir.“Sol tərəfdən görünüşümü bəyənirəm. Amma sağ tərəfdən heç sevmirəm. Bir az burnumda dəyişiklik etmək istəyirəm. Bir də nəfəs almağımda problemlərim var. Sabah həkimə gedəcəm”. Günel şəxsi həyatı ilə bağlı  “İnşallah, tezliklə xeyir iş olacaq”, - deyib.

 

Əhəd Miriyev

 

Muz-Tv.az