Əməkdar artist Elza Seyidcahan arıqlamaq qərarına gəlib

Axşam.az-ın məlumatına görə, müğənni bir neçə gündür idmanla məşğul olur. 

      Axşam.az-ın məlumatına görə, müğənni bir neçə gündür idmanla məşğul olur. Artıq on kiloqram çəki itirən E.Seyidcahan əməkdaşımızla söhbətində pəhriz saxladığını bildirib:“Son vaxtlar arıqlamaq qərarına gəlmişəm. İdmanı çox sevirəm. Ona görə də, bu yolla artıq çəkidən xilas olmaq istədim. Bizim ailəmizdə idmançılar çox olub. Dayım tanınmış əməkdar məşqçi Vahid Məmmədovdur. Qız uşağı olduğum üçün mənə idmana getməyə icazə vermirdilər. At çapmağa, üzgüçülüyə marağım var. Orucluqdan sonra indiyə kimi on kiloqram atmışam. Hazırda məşqçi Kamil Zeynallı ilə çalışıram. Efirdə çox kök görünürəm. Amma həyatda arıqlamağım hiss olunur”.

     Əməkdar artist Abbas Bağırov İnstaqram səhifəsində 14 il əvvəl çəkilmiş fotosunu paylaşıb. Müğənni fotoya “Arxivdən bir şəkil. Çox hörmətli sənətkarımız İlqar Muradovun oğlu Əvəz Muradov ilə. 2001-ci ildə çəkilib. 14 il keçdi” sözlərini yazıb. 

     Müğənni Röya Ayxan yenidən Türkiyəyə gedib. Sənətçi imicində dəyişiklik edib. O, saçlarını yenidən kəsdirdiyini bildirib. Röya yeni fotosunun yanına “Saçımızı kəsdik. İstanbulda məni başa düşəcək yeganə usta budur” sözlərini yazıb.

     Rəqqasə-müğənni Sevda Sanəliyevaya cadu etdirmək istəyiblər. “Qubada bir baxıcı qonşumuz var idi. Onun yanına gedib şəklimi veriblər ki, elə et ki, Sevda pis vəziyyətə düşsün, ölsün. Bunu deyən adamın çoxlu pulu var. Kim olduğunu bilirəm. Amma başa düşmədim, niyə belə edib. Falçı da onun pulunu alıb. Sonra qardaşıma zəng vurub ki, məndən belə bir şey istəyiblər, pulunu aldım, amma heç nə etmədim”. Qeyd edək ki, S.Sanəliyeva 3 aylıq hamilədir. Sənətçi oğlu olacağını bildirib.

 

Əhəd Miriyev

 

Muz-Tv.az