Aygün Kazımovaya Natavandan üzr istəmək tələbi qoyuldu

Natavan Həbibinin xalq artisti Aygün Kazımovaya qarşı şərəf və ləyaqətin, işguzar nüfuzun müdafiəsinə dair iddia tələbi üzrə məhkəmə prosesi yekunlaşıb.

 

    Natavan Həbibinin xalq artisti Aygün Kazımovaya qarşı şərəf və ləyaqətin, işguzar nüfuzun müdafiəsinə dair iddia tələbi üzrə məhkəmə prosesi yekunlaşıb. Müğənninin vəkili Fərid Həsənov bildirir ki, Nəsimi Rayon Məhkəməsinin qərarına əsasən Aygün Kazımova Natavan Həbibinin erməni milliyyətinə mənsubluğu barədə yaydığı yalan məlumatı və işlətdiyi təhqiramiz ifadələri təkzib etməli, Natavandan üzr istəməlidir. Müğənni Natavan Həbibi xalq artisti Aygün Kazımovaya icmarıc yollayıb. “Neçə illərdir ki, bu qadının şər-böhtanlarına dözürdüm, amma ona cavab verməməyimdən istifadə edərək ailəmə də şər atdı. Bir daha deyirəm sən nə sənətdə, nə də dövlətin qanunları ilə mənə qalib gələ bilməyəcəksən. Çünki, qanun haqqın tərəfindədir. Dəfələrlə mənim erməni olmağım barədə yalan danışmısan, xalqımızı öz yalan və böhtanlarınla inandırmağa çalışmısan. Amma bizim xalq ağı-qaradan seçməyi bacarır və sənin yalanlarına inanmır. Bir daha mənə qalib gəlmək haqqında düşünmə, yadında saxla ki, düz həmişə əyrini kəsir, mən isə düzəm”.

   Əməkdar artist Fidan Hacıyeva milli geyimdə fotosessiya etdirib.  Opera ifaçısı yeni şəkillərini İnstaqram səhifəsində paylaşıb. Şəkillərdə eyni zamanda xalq artisti Samir Cəfərov da yer alıb. F.Hacıyeva fotoların yanına “Yeni layihəmiz. Geyimlərimiz Gülnarə Xəlilovaya aiddir” sözlərini yazıb.

   Müğənni Rəqsanə İsmayılovanın modelyer qızı Aysun Türkiyəyə gedəcək.  Aysun türkiyəli müğənni Ozan Koçerin ad günündə iştirak edəcək: “Ozana olan sevgimi hamı bilir. Bir-birimizi tanısaq da, həyatda görüşməmişik. Bu ay anamla birlikdə İstanbula gedəcəm. Ayın 6-da Ozanın ad günüdür. Onun yanında olacam. Ozan üçün ad günü hədiyyəsi hazırlamışam. Hədiyyənin nə olduğunu əvvəlcədən deyə bilmərəm. Çünki saytınızı izləyir, sürprizim pozulsun istəmirəm”. Aysun Ozanın onun üçün göndərdiyi videonu da sosial şəbəkədə paylaşıb. Türkiyəli ifaçı videoda Azərbaycana olan sevgisini etiraf edib, salamlar göndərib. Qeyd edək ki, Aysun Ozanın adını əlinə dövmə etdirib.

    Müğənni Elnur Məmmədov gözəllik salonlarındakı gigiyena qaydalarından şikayətlənib.  Ifaçı hər bir kəsin baxımlılığına və səliqəsinə fikir verməli olduğunu söyləyib: “Hamı görünüşünə fikir verməlidir. Hər bir efir gözəllik tələb edir. Düzdür, gözəllik xanıma xas olan anlayışdır. Amma baxımlı olmaq, səliqə mütləqdir. İndiki zamanda hər kəs gigiyenik normalara əməl etməlidir. Mənim ustam üzümü təraş edəndə yalnız öz alətlərimdən istifadə edir. Bir çox yerdə səliqəsizlik var. Azərbaycanda tək-tük yaxşı ustalar çalışır. Mənim getdiyim salonda heç vaxt yerə düşən darağı yumamış istifadə etmirlər”.

 

Əhəd Miriyev

 

Muz-Tv.az