Azəri Günel Zeynalova: “Nişanlımın köynəyini oğurladım”

Müğənni Azəri Günel Zeynalova kişi köynəyində çəkilmiş fotolarını sosial şəbəkədə paylaşıb. 

    Müğənni Azəri Günel Zeynalova kişi köynəyində çəkilmiş fotolarını sosial şəbəkədə paylaşıb. İfaçı geyindiyi koftanın nişanlısının olduğunu bildirib:

“İnancın köynəyini oğurladım. Nəticədə indi əynimdədir. Böyük olsa da, sevirəm. Kişi köynəklərini xoşlayıram”. Qeyd edək ki, sənətçinin nişanlısı İnanc Başəyməz iş adamıdır. O, Türkiyədə orta məktəbdə Günellə bir yerdə oxuyub. Cütlük 2011-ci ilin iyununda nişanlanıb.

    Müğənni Könül Kərimova dəbdən, geyim tərzindən danışıb. Ifaçı dəbdən anlamadığını etiraf edib: “Bilirəm ki, dəb lazımdır, amma mən yaraşana üstünlük verirəm. Məni məcbur etsələr də, yaraşmayan nəyisə geyinmərəm. Etiraf edim ki, dəbdən anlamıram, qızımdan soruşuram. Hər şeyi qaydasında edənlərdən, operativ deyiləm. Dəblə ayaqlaşmaq mənlik deyil. Amma buna görə özümü qınayıram. İnsan geyimini biləndə özünü təqdim etməyi bacarır. İndiki nəsil bu sahədə çox istedadlıdır. Mənim qızım da belə məsələlərdə bacarıqlıdır. Nə olsun məndən balacadır, onunla məsləhətləşirəm. Qızım geyimlərimdə mənə kömək edir”.

    Meyxanaçı Namiq Qaraçuxurlu 2015-ci ilin ilk aylarında toy edəcəyini demişdi. Sənətçinin xeyir işi təxirə düşüb. Buna səbəb isə ifaçının bibisinin dünyasını dəyişməsi olub.“Demişdim toy edəcəm. Amma üç gün əvvəl bibim dünyasını dəyişdi. Ailəmizdə ağır günlərdir. Buna görə də toyu təxirə saldıq. Ya bibimin ailə üzvlərinin xeyir-duasını alıb, toyu edəcəyik, ya da ilin çıxmasını gözləyəcəyik”.

    Müğənni Xəyyam Nisanov şəhər restoranlarının birində aşpazlıq edib. Yemək hazırlayıb, müştərilərə təqdim edən ifaçı hər kəsi təəccübləndirib. Qeyd edək ki, müğənninin bu addımı restoranın piarı üçün atılıb.

 

Əhəd Miriyev

 

Muz-Tv.az