“Tünzalə Ağayevaya yaraşan qiymətdir, çünki çox şifariş alıram”

Əməkdar artist Tünzalə Ağayeva getdiyi məkanları insanların səviyyəsi və zövqü ilə dəyərləndirib. 

   Əməkdar artist Tünzalə Ağayeva getdiyi məkanları insanların səviyyəsi və zövqü ilə dəyərləndirib. İnsanlara səviyyəsinə görə qiymət verən Ağayevadan maraqlı açıqlamalar gəlib: “İşi, keyfiyyəti, səviyyəsi düzgün gəlməyən insanların əhatəsində oturub-durmuram. Mən heç kimdən sıxılmıram, sadəcə olaraq mənim səviyyəmə uyğun olmayan çevrəyə girmərəm. Amma Filankəsov Filankəs orada varsa və mən ora getmirəmsə, bu daxili kompleksdir. Bu isə həmin insanın içində qorxu, qısqanclıq, acizliyi və cılızlığını göstərir”.

   Əməkdar artist bəstəkar kimi də fəaliyyət göstərib, bu günə kimi bir neçə mahnı hədiyyə etsə də, artıq belə addım atmayacağını deyib: “ Mən çox mahnı hədiyyə etmişəm. İndi isə hədiyyə etməyi düşünmürəm. Çünki mən professional mahnı bəstəkarıyam və hər bəstəkar kimi mən də mahnını satıram. Qiymət isə Tünzalə Ağayevaya yaraşan bir qiymətdir. Çünki çox sifariş alıram”.

 

Sevda Məmmədova

Ramal Gülməmmədov

 

Muz-Tv.az