Kelli Roulend ana olmağa hazırlaşır
Tanınmış müğənni, “Destiny’s Child” qrupunun keçmiş üzvü Kelli Roulend “Elle” jurnalı üçün fotosessiya etdirib.
Tanınmış müğənni, “Destiny’s Child” qrupunun keçmiş üzvü Kelli Roulend “Elle” jurnalı üçün fotosessiya etdirib.Ana olmağa hazırlaşan ifaçı müsahibəsində səbirsizliklə körpəsini qucağına alacağı günü gözlədiyini deyib:“Doğuşa 3 həftədən də az vaxt qalıb. Həyəcanlıyam. 9 ay gözləmək, düşünürəm ki, yalnız qadın üçün deyil, kişi üçün də önəmlidir. Qadın ürəyinin altında körpəsini gəzdirəndə artıq çəkilər barədə fikir eləmir, daim yemək istəyir”. Kelli uşağı olandan sonra onunla maksimum çox vaxt keçirməyi planlaşdırır. O, analıq vəzifəsi ilə karyerası arasındakı balansı qoruyacağına əmin olduğunu söyləyib.
“Oskar” mükafatlı ingiltərəli musiqiçi Adel bu il “Ən çox qazanan müğənnilər” siyahısında birinci yerə çıxıb.Maraqlı fakt ondan ibarətdir ki, sənətçi 4 ildir işləməməsinə baxmayaraq, gündə 80 min sterlinq (təxminən 101 min manat) pul qazanır. Adel bu göstərici ilə rəqibləri – Kalvin Harris və “One Direction” qrupunun üzvlərini geridə qoyub. Sonuncu dəfə 2011-ci ildə albom çıxaran sənətçinin əsas gəlir mənbəyi sahibi olduğu iki şirkətdən əldə edilən qazancdır.
Dünya şöhrətli aktrisa Ancelina Colinin 20 il əvvəl çəkilmiş fotoları yayılıb. Ötən ay Bred Pittlə ailə quran aktrisanın həmin şəkilləri 1994-cü ildə lentə alınıb. Bu fotolar Ancelinanın illər ərzində necə dəyişdiyini ortaya çıxarır.
“Kurt Seyit və Şura” teleserialı daha yüksək reytinq əldə etmək üçün baş rola dəvət etdiyi aktrisa Fəxriyyə Evcənin çəkiliş heyəti ilə arası düzəlmir ki düzəlmir. Bu yaxınlarda çəkilişə gecikdiyi üçün həmkarı Kıvanç Tatlıtuğu əsəbləşdirən, aktrisa yaxın dostlarına rolu qəbul etdiyinə görə çox peşman olduğunu deyib. Heyətdəki soyuq münasibətə görə, Evcən çəkiliş aralarında vaxtını həmkarları ilə söhbətləşmək əvəzində, kitab oxumaqla keçirir. Qeyd edək ki, aktrisanın bundan əvvəl Güzidə obrazını canlandıran Elçin Sanquyla dava edərək onu ağlatdığı, həmçinin baş rol ifaçısı Fərəh Zeynəb Abdullahla danışmadığı haqda xəbərlər yayılmışdı.
Əhəd Miriyev
Muz- Tv.az