Almaz Ələsgərli : “Evin bir küncünə qısılan vaxtım olub”
Əməkdar artist Almaz Ələsgərliqızlarından, övladlarını tək böyütməyindən danışıb: “Ərsiz qalıb, şikayət edən qadınları başa düşmürəm. İmdad diləyirlər.
Əməkdar artist Almaz Ələsgərliqızlarından, övladlarını tək böyütməyindən danışıb: “Ərsiz qalıb, şikayət edən qadınları başa düşmürəm. İmdad diləyirlər. Mən iki övladımı tək böyütmüşəm, amma heç kimdən kömək istəməmişəm. İki uşaq böyütmək asan deyil. Övladı olan ana şir kimi olmalıdır. Hər zaman şir olmuşam. Mənim də evin bir küncünə qısılan, pis vaxtım olub. Amma yenə yıxılmamışam. Yıxılan qadınları başa düşmürəm”.
Muğam ifaçısı Elnarə Abdullayeva sənət adamlarından danışıb. Müğənni övladını heç vaxt şou-biznes nümayəndəsi ilə evləndirməyəcəyini deyib:“Bu, mənim öz fikrimdir. Niyəsini soruşmayın. Mən xanəndə, müğənni qız almaram, oxuyana da qız vermərəm. Bu qədər kəskin fikirdəyəm. O qədər şeylər görürəm, hallarla rastlaşıram... Özüm bu sənətə gəlməyimə peşmanam. Xasiyyətimə uyğun deyil. Mən dəli oluram ki, insan bu qədər şəxsiyyətsiz ola bilər? Kişi bir kənara, qadın necə bu cür hərəkətlərə yol verir? Cavan uşaqdır, kənarda nələr edir. Mən heç övladımı da oxumağa qoymaram. Nə bilim, o mənə oxşayacaq, ya yox”.
Müğənni Ayan Babakişiyeva yeni "Sevirəm" adlı mahnısını təqdim edib. Söz və musiqisi Xanım İsmayılqızına aid olan bəstənin aranjimanı Emil Minyaşevə məxsusdur. A.Babakişiyeva uzun aradan sonra yeni mahnısını məhz Xanım İsmayılqızından oxuduğu üçün özünü xoşbəxt hiss etdiyini deyib: “Xanım İsmayılqızı ilə məni yaradıcılıqdan öncə, ana-bala münasibəti bağlayır. İfam üçün yazılan hər bir nəğməsini böyük sevgi ilə səsləndirirəm. Qarşıda böyük layihələri gözlənilir".
Müəyyən müddətdir sosial şəbəkələrdə ilk klipinin anonsu yayımlanan müğənni Hicran Selcan artıq peşəkar sənətə addımını atır. Mügənninin ifa etdiyi "Günahkardır qəlbimiz" adlanan mahnısının sözləri və musiqisi jurnalist Azər Nəsibova, aranjimanı Elvin Musayevə məxsusdur. İlk mahnısına çəkilən klipin rejissoru Rəhman Əliyevdir. O, hazırda yeni repertuar üzərində çalışır. Azər Nəsibovun müəllifi olduğu "Səninlə" adlı ritmik mahnı artıq repertuara daxil edilib. Hicran xanımın jurnalistlə işbirliyi bununla bitmir. Onlar hazırda "Sənə gəldim" adlı daha bir həzin mahnı üzərində çalışırlar.
Əhəd Miriyev
Muz-Tv.az