Ancelina Coli: "Uşaqlarıma baxarakən, anamla əlaqəmi hiss edirəm"

Bu yaxınlarda aktyor Bred Pittlə ailə quran aktrisa Ancelina Coli anası ilə bağlı maraqlı məqamlara toxunub. 

     Bu yaxınlarda aktyor Bred Pittlə ailə quran aktrisa Ancelina Coli anası ilə bağlı maraqlı məqamlara toxunub. Aktrisa 2007-ci ildə xərçəng xəstəliyindən dünyasını dəyişən anasını hələ də hiss etdiyi deyib: “O, ürəyiyumşaq və xeyirxah qadın idi, amma uşaqlarından söhbət getdikdə dünyanı alt-üst edə bilərdi. Bütövlüklə həyatı dərk etməyə çalışırdı. O həmişə başqalarının problemlərini duymağa çalışır və onların əzabını hiss edib,həssaslıqla yanaşırdı. Yaradıcılığa çox dəyər verir və incəsənət sahəsində işləməyimizi istəyirdi. Anam həmişə deyərdi: Başqalarına  heç bir yaxşılıq etmədikdə, həyat mənasız keçir”.

   Jurnaslistlərin “Ölümdən sonra ruhun yaşamağına inanırsınız?” sualını aktrisa belə cavablandırıb:“Mən bu suala dəqiq bir cavab verə bilmərəm, uşaqlarıma baxanda onunla əlaqəni  hiss edirəm və mənə necə təsir etdiyini duyuram. Fikir verirəm ki, çox vaxt uşaqlarımı anamın üsuluyla tərbiyyə edirəm. Buna görə demək olar ki, bəli, mənim anam bizimlədir.”

 

Faina Əsədullayeva

Əhəd Miriyev

 

Muz-Tv.az