Sevgilisinin adını bədəninə döymə etdirdi

Dörd il əvvəl “Avstraliya Gözəllik Kraliçası” yarışmasında ikinci yerə çıxan model Jesinta Kampbell sevgilisi, futbolçu Lanz Franklinlə birlikdə Sidneydə dincəlir.

    Dörd il əvvəl “Avstraliya Gözəllik Kraliçası” yarışmasında ikinci yerə çıxan model Jesinta Kampbell sevgilisi, futbolçu Lanz Franklinlə birlikdə Sidneydə dincəlir. 23 yaşlı model sevgilisinin adını sağ sinəsi üstə döymə etdirib. Franklinin ad-soyadının baş hərfləri və ürək şəklində rəsm uzaqdan paparassilərin diqqətini çəkib. Gənc cütlük çimərlikdə romantik anlar yaşayıb.

    Hollivudun tanınmış cütlüyü Eva Mendes və Rayan Qoslinq yeni doğulan qızlarına ad qoyublar.3 ildir ki, birlikdə olan cütlük övladına məşhur yazıçı Viktor Hüqonun “Notrdam kilsəsinin qozbeli“ romanından təsirlənərək əsərin qəhrəmanı Esmeraldanın adını qoyub. Bu ad, eyni zamanda, “Disney” qəhramanlarından birinə məxsusdur. Körpənin doğum haqqında şəhadətnaməsində tam adı Esmeralda Amada Qoslinqdir. Qeyd edək ki, 40 yaşlı Eva Mendes hamiləliyini yalnız 7-ci ayında təsdiqləmiş, həmin vaxta qədər isə mediada bir dənə də olsun,şəkilləri yayılmamışdı. 33 yaşlı Rayan Qoslinqlə Eva 2011-ci ildə “Place Beyond The Pines” (“Şam ağaclarının arxasındakı yer”) filminin çəkiliş meydançasında tanış olaraq evləniblər.

    Tanınmış müğənni Niki Minaj kişilər üçün nəzərdə tutulan “L’Uomo Voguе” jurnalı üçün fotosessiya etdirib. 31 yaşlı ifaçı dərgiyə müsahibəsində karyerasından danışıb: “Əvvəl məni heç kim ciddi qəbul etmirdi. Diqqət cəlb etmək üçün pariklərdən və ekstravaqand geyimlərdən istifadə edirdim.  İndi mən öz imperiyamı qururam. Düşünürəm ki, xanımlar kişilərin gördükləri işi onlardan heç də pis etməzlər. Qadınların erası başlayır”.

    Türkiyəli müğənni Gülbən Ərgən həyat yoldaşı, telejurnalist Ərxan Çəlikə jest edib.Sənətçi 3 oğlunun atası Mustafa Ərdoğanın soyadını heç vaxt qəbul etməsə də, indiki ərinə qarşı fərqli addım atıb. O, sosial şəbəkədə özünə “Çəlik” soyadını götürüb. G.Ərgən bundan sonra həm öz, həm də həyat yoldaşının soyadı ilə çağrılmaq istədiyini deyib. Gülbənin bu addımı İnstaqramda 726 min, “Twitter”də 3 milyondan çox izləyicisi tərəfindən alqışlanıb. Hazırda müğənninin şəxsiyyət vəsiqəsində də soyadını dəyişib-dəyişməyəcəyi müzakirə obyektinə çevrilib.

 

Əhəd Miriyev

 

Muz-Tv.az