İlhamə Quliyeva: “Get onda yaşlanmış valideynini diri-diri basdır”

Xalq artisti İlhamə Quliyeva sənətkarları təhqir edən gənc ifaçılara ismarış göndərib. 

 

    Xalq artisti İlhamə Quliyeva sənətkarları təhqir edən gənc ifaçılara ismarış göndərib.“Bu yaxınlarda bir müğənni çıxıb efirə yaşı artmış sənətkarların ünvanına deyir ki, “Bir aya gordadı”... Hələ bilmək olmaz ki, gora kim birinci gedəcək: sən, yoxsa yaşı çoxalmış sənətkar. Yaş artdıqca, insan qızıla dönür. Üzdəniraq insanlar da var. Efirlər sənət adamlarını təhqir edənlərə embarqo qoymalıdır. Onlara icazə verilməmlidir ki, bu cür ifadələr işlətsinlər. Bunu mən də, başqası da özünə götürür. Belələrinə üsyan edirəm. Sənin nə hüququn çatır ki, belə deyirsən? Cahillikdir. Sənin kökün nədir bilinmir. Ağızlarını bağlasınlar, sözü deyərkən “rastamojka” etsinlər. Deyəsən, mən başımı qaldıracam. Get onda yaşlanmış valideynini diri-diri basdır. Ayıb deyilmi? Bizi milyonlarla tamaşaçı sevir. Xalq artistləri də var ki, çıxıb sətiraltı ona-buna söz atır, narazılıq edir. Bu cür gözəl ölkədə yaşayırsan, nədən narazısan? Sənin xalq artisti olmağında bizim də əməyimiz var. Get güzgünü qoy qarşına, özünə bax, söz atma”.

    Əməkdar artist Fidan Hacıyevanın həyat yoldaşı və oğlu ilə fotoları yayılıb. Gəzintiyə çıxan cütlük şəkillərini İnstaqram səhifəsində paylaşıb. Qeyd edək ki, F.Hacıyeva Filip adlı əcnəbi vətəndaşla ailə qurub. Cütlüyün üç övladı var.

    Müğənni Elton Hüseynəliyev avtomobil qəzası keçirib.  Nəsimi rayon ərazisində baş verən qəzada ifaçı ciddi xəsarət almayıb. Maşını döndərərkən əməliyyatı düzgün yerinə yetirə bilməyən Elton onu səkiyə çırpıb. Nəticədə “BMW” markalı avtomobilin qabaq hissəsi yararsız hala düşüb. Sənətçi özü isə maşını orada qoyaraq, hadisə yerindən uzaqlaşıb.

    Müğənni Zamiq Hüseynov “Yeganə” adlı yeni mahnısını təqdim edib. Sözləri və musiqisi Murad Arifə aid olan bəstənin aranjimanı Emin Kərimiyə məxsusdur. 

 

Əhəd Miriyev

 

Muz-Tv.az