Gülbən Ərgənə tamaşaçıları tərəfindən hiddətli mesajlar

Qurban bayramında həyat yoldaşı Ərhan Çəliklə bal ayı əvəzinə Həcc ziyarətinə gedən Gülbən Ərgən yeni albomunun hazırlıqlarına başladığını İnstagram sosial şəbəkəsində 

    Qurban bayramında həyat yoldaşı Ərhan Çəliklə bal ayı əvəzinə Həcc ziyarətinə gedən Gülbən Ərgən yeni albomunun hazırlıqlarına başladığını İnstagram sosial şəbəkəsində şəkil paylaşmaqla elan edib.O, şəkli paylaşaraq “Mahnı oxumaq lazımdır avaz-avaz… Başlasın studiya günləri” yazıb. Ancaq sinə və ayaq dekolteli şəkil Gülbənin pərəstişkarlarını hiddətləndirib. Müğənnin sosial şəbəkədəki izləyiciləri “Həcdən yeni gəldiniz, bir az gözləyərdiniz… Bu şəklə nə ehtiyac var idi? Həccə gedib-gəlməyin qaydaları var. Buna əməl etmiyəcəksənsə şouya ehtiyac yox idi” kimi yüzlərlə mesaj yazıb.

   “Möhtəşəm yüz il” serialından Hürrəm Sultan rolu ilə tanınan almaniyalı aktrisa Məryəm Üzərli sosial şəbəkədə maraqlı fotolarını paylaşıb. Öz hesabında başıörtülü fotolarını yerləşdirən aktrisa “Məşhur paltarımla bazar günü istirahətim” sözlərini yazıb. İzləyicilərin çoxu M.Üzərlinin serialda hərəm olduğu günlərdəki kimi göründüyünü bildirib. Qeyd edək ki, iş adamı Can Atəşdən olan qızı Laranı Berlində dünyaya gətirən və bir müddətdir orada yaşayan aktrisanın 2 milyon dollarlıq müqavilə imzaladığı, Türkiyəyə qayıdacağı deyilsə də, hələ ki, heç bir layihədə iştirak etmir.

    Dünyanın ən gözəl qadınlarından sayılan ingilis model Kelli Brukun keçmiş nişanlısı Devid Makintoş Mayamidə otellərdən birinin hovuzunda yeni sevgilisi ilə görülüb.Bu yaxınlarda Kelli ilə yollarını ayıran Devid alman model Metişa Şayfer ilə səmimi anlar yaşayarkən obyektivlərə tuş gəlib.

    Gənc aktrisa, hamilə Bleyk Layvli şəxsi bloqda yeni fotosessiyasını dərc edib. Şəkillərin müəllifi aktrisanın qardaşı Erikdir. Kadrlarda aktyor Rayan Reynoldsun 27 yaşlı xanımından başqa uşaqlar və rəfiqələri də var. Bağda keçirilən payız fotosessiyasında aktrisa çox şən görünür. Bleyk bloqunda oxuculara söz verib ki, oktyabr ərzində hamilə qadınlar üçün qiymətli tövsiyələrini bölüşəcək, həmçinin öz hisslərindən bəhs edəcək. 

 

Əhəd Miriyev

 

Muz-Tv.az