Brilliant Dadaşovadan yeni video

 Xalq artisti Brilliant Dadaşova sosial şəbəkədə yeni videosunu paylaşıb. Müğənni mərasimlərin birində dünya ulduzu Mandinqanın “Papi Chulo” mahnısının sədaları altında

    Xalq artisti Brilliant Dadaşova sosial şəbəkədə yeni videosunu paylaşıb. Müğənni mərasimlərin birində dünya ulduzu Mandinqanın “Papi Chulo” mahnısının sədaları altında rəqs edib. B.Dadaşova videosuna “Nə gözəl şey varsa, o da yaşamaqdır, gülməkdir, danışmaqdır, bir də oynamaqdır” sözlərini yazıb.

    Əməkdar artist Mətanət İsgəndərli dilənçilərdən bəhs edib. Müğənni hər zaman onlara pul verdiyini deyib: “Heç vaxt üstümə gələni əliboş qaytarmıram. Hətta harasa tələsəndə belə yanımda kim olsa, deyirəm maşını saxla, ona pul verim. Mən çox rəhmli insanam. Tez kövrəlirəm. Küçədə qucağında uşaq olan dilənçi görəndə ürəyim dözmür”.

    Əməkdar artist Lalə Məmmədovanın qızı Nərgizlə fotosu yayılıb. Övladı ilə suşi yeməyə gedən müğənni şəkillərini İnstaqram səhifəsində paylaşıb. O, “Nərgizə demişdim ki, yeyəcəyi suşiləri əsl yapon əmi hazırlayacaq. Yapon əmi özü gəlib onunla tanış olmayana kimi uşaq inanmırdı” sözlərini yazıb.

    Aparıcı-prodüser Təranə Səmədova tədbirlərin birində fotokameralara tuş gəlib. O, arıqlaması ilə diqqət çəkib.27 kiloqram çəki atdığını bildirən Təranə hazırda 80 kiloqram olduğunu deyib. Hədəfim 60 kiloqrama düşməkdir. Bu günə kimi idman və pəhriz vasitəsilə 27 kiloqram atdım. Çəki itirməkdə mənə ən çox idman kömək oldu. Burun əməliyyatından sonra iki ay fasilə verdim. Yenidən məşqlərə başlamışam”.

 

Əhəd Miriyev

 

Muz-Tv.az