Polad Ələmdara xanımı tərəfindən qadağa qoyuldu
“Kurdlar vadisi” serialından Polad Ələmdar rolu ilə tanınan aktyor Nəcati Şaşmaza xanımı Nagəhan Qaşıqçı tərəfindən qadağa qoyulub.
“Kurdlar vadisi” serialından Polad Ələmdar rolu ilə tanınan aktyor Nəcati Şaşmaza xanımı Nagəhan Qaşıqçı tərəfindən qadağa qoyulub.8 il əvvəl adıçəkilən serialda Hollivud ulduzu Şeron Stounla öpüşən N.Şaşmazın aktrisanı yenidən ekran işində görmək istəməsi N.Qaşıqçının narazılığına səbəb olub. Nagəhan istəmədiyi üçün məşhur aktrisanın layihədə yer almayacağı söylənilir. Hətta onun tələbi ilə öpüşmə səhnələrinin olduğu kadrların saytlardan yığışdırılmağa başlanıldığı deyilir. Qeyd edək ki, Nəcati Şaşmaz illər əvvəl açıqlamasında Şeron Stounla öpüşmə səhnələrini 24 dəfə təkrar çəkdiklərini söyləmişdi.
Dünya şöhrətli müğənni Britni Spirs kökəlməyə meyilli olduğu üçün artıq çəkiləri ilə mübarizəyə başlayıb. Paparassilər tərəfindən Nyu-Yorkda fitnes mərkəzlərindən birindən çıxarkən görüntülənən ifaçının əlində tutduğu paket diqqət çəkib. Belə ki, həmin paketdə dərini cavanlaşdıran vasitələr istehsal edən məşhur kosmetik firmanın məhsulları olub. Yeri gəlmişkən, Britni son vaxtlar öz xarici görünüşü ilə sevənlərini təəccübləndirib. O, Almaniyada alt paltarı markalarından birinin dəfiləsində pərəstişkarlarının qarşısına qısa saç düzümü ilə çıxmışdı.
Sentyabrın 28-də telejurnalist Ərxan Çəliklə ailə quran türkiyəli müğənni Gülbən Ərgənin 4 aylıq hamilə olduğu iddia edilir. Artıq körpənin cinsiyyəti də məlumdur. Sənətçinin qızı olacaq. Məlumatı cütlüyün yaxınlarından biri yayıb. O deyib ki, doğulacaq körpənin qız olması Gülbənlə Ərxanı çox sevindirib. Müğənninin bu yaxınlarda İnstaqram səhifəsində bir qız uşağının fotosunu paylaşması da bu iddiaları gücləndirir. Qeyd edək ki, G.Ərgənin əvvəlki nikahından üç, Ə.Çəlikin isə bir oğlu var.
Bursada düşdüyü motosiklet qəzası nəticəsində iki əli biləyindən qırılan türkiyəli aktyor Tamər Qaradağlı xəstəxanadan evə buraxılıb. Yola tökülmüş zeytun yağı səbəbindən idarəetməni itirən aktyor kaskası və jileti sayəsində qəzadan yüngül xəsarətlərlə xilas olduğunu deyib. Əl barmaqlarını tərpədə bildiyini söyləyən Tamər 3 ay ərzində müalicə alacaq.
Əhəd Miriyev
Muz-Tv.az