Emin 12 saat ərzində 31 müsahibə verdi

İfaçı-bəstəkar Emin İspaniyaya yollanıb.“Amor” albomunun tanıtımı məqsədiylə Madridə gedən ifaçı orada media nümayəndələri ilə görüşüb.

    İfaçı-bəstəkar Emin İspaniyaya yollanıb.“Amor” albomunun tanıtımı məqsədiylə Madridə gedən ifaçı orada media nümayəndələri ilə görüşüb. Bu haqda Eminin rəsmi səhifəsində yazılıb. Onun 12 saat ərzində 31 müsahibə verdiyi vurğulanıb. İfaçı yaradıcılığı, “Amor” albomu, mahnıya çəkilən klipi ilə bağlı sualları cavablandırıb. O, Azərbaycanda doğulmasından bəhs edib. Qeyd edək ki, Emin Avropa turnesi çərçivəsində fevralda Madriddə konsert verəcək. Dekabrın 9-da isə ifaçının “Baku Crystal Hall”da yubiley konserti baş tutacaq

    Əməkdar artist Fidan Hacıyeva heç vaxt Azərbaycanda alış-veriş etmədiyini deyib. Müğənni bunun üçün xaricə getdiyini bildirib:“Buradan paltar almıram. İldə bir dəfə xaricə gedir, bütün geyimlərimi oradan alıb gəlirəm. Uşaqlarım üçün də nəsə lazım olsa, xaricdən gətirirəm. Bakıda cəmi bircə dəfə mağazaya gedib paltar aldım. Evə gəldim, nəsə problem çıxdı, dəyişdim, bu dəfə isə ölçüsü balaca oldu. Düz üç dəfə mağazaya gedib-gəldim. Söz verdim ki, bir də buradan heç nə almaram”.

    Müğənni Röya Ayxan və Zamiq Hüseynovun yeni ifa etdikləri “Sevdim” duetinə klip çəkdirəcəklərini xəbər vermişdik.Zamiq ekran işinin gecikməsinin səbəbini açıqlayıb:“Bu aralar işlərimiz çoxdur. Hər ikimizin planları, layihələri var. Buna görə də, hələ bir araya gələ bilməmişik. Amma tezliklə, söz verdiyimiz kimi, “Sevdim”ə klip çəkdirib, təqdim edəcəyik. Yeni albom hazırlayıram. Orada yer alacaq mahnıların musiqisi Emin Kərimiyə, sözləri MC Murada aid olacaq”.

    Müğənni Samir Piriyev özü ilə bağlı maraqlı vərdişini açıqlayıb. Ifaçı səsyazma studiyasına həmişə ayaqyalın girdiyini deyib:“Studiyaya girib mahnı oxuyanda ayaqyalın olmalıyam. Hətta corabımı da çıxarıram. Bu zaman rahat oluram. Ayağımda corab, ayaqqabı olarsa, oxuya bilmirəm”.

 

Əhəd Miriyev

 

Muz-Tv.az