Keyt Apton Hollivud aktrisası obrazında
Amerikalı model Keyt Apton maraqlı fotoları ilə yenidən gündəmə gəlib. O, şəkillərdə Hollivud akrtisası rolunu canlandırıb.
Amerikalı model Keyt Apton maraqlı fotoları ilə yenidən gündəmə gəlib. O, şəkillərdə Hollivud akrtisası rolunu canlandırıb. Fotolar “Bobbi Brown” kosmetika brendi üçün çəkilib. O, Hollivud aktrisası Loren Bekollun obrazını yaradaraq retro stili ilə maraq doğurub.
Bu yaxınlarda Hollivudun ən yüksək qonorarlı aktyoru elan edilən Robert Dauni tamaşaçılarını təəssüfləndirib. Belə ki, o, “ Dəmir insan-4”-də rol almayacağını söyləyib. Bu barədə aktyor qatıldığı verilişlərin birində açıqlama verib:“Dəmir İnsan 4”-də çəkilməyi planlaşdırmıram. Amma “Marvel” studiyasıyla başqa bir maraqlı layihə planlaşdırılır”. Verilən məlumata görə, Robert “ Kapitan Amerika-3” filmini nəzərdə tutur və hazırda aktyorun iştirakı ilə bağlı danışıqlar aparılır. Filmin çəkilişlərində Skarlett Yohansson, Ceremi Renner və Entoni Maki kimi məşhurların iştirak edəcəyi gözlənilir.
Model Rozi Hantinqton-Uaytli sağlam həyat tərzindən danışıb. O, xoşbəxt olduğu anlardan da söz açıb: “Əminəm ki, sağlam və ləziz qidalanmada balans tapmaq çox vacibdir. Mənim üçün ən xoşbəxt anlar ailəmlə bir yerdə yemək hazırlayıb, gülüb, rəqs etdiyim vaxtlardır. İtlərimlə gəzintiyə çıxmağı, dəniz qırağında istirahət etməyi, şəhərdən uzaq piknikləri çox sevirəm. Bu anlar mənə sağlam və gümrah qalmaqa kömək edir”.
Futbolçu Kriştiano Ronaldo Facebook sosial şəbəkəsinin ən çox müzakirə olunan idmançısı seçilib. 100 milyondan çox izləyicisi olan məşhur, öz azərkeşlərinə video müraciət ünvanlayıb. O, videoda sevincini pərəstişkarları ilə bölüşüb: “Hamınıza təşəkkürlər, axır ki, mənim Facebookda 100 milyon dostum var. Bu rəqəmlə fəxr edirəm”. Qərb mətbuatının məlumatına görə, izləyicilərin 78 %-i qadın, 22%-i isə kişidir. Qeyd edək ki, sentyabrın axırlarında da futbolçunun Twitter hesabını 30 milyondan çox insan izlədiyi üçün sözügedən sosial şəbəkənin ən məşhur idmançısı seçilmişdi.
Faina Əsədullayeva
Muz–Tv.az