Abbas Bağırov küsülü olduğu həmkarlarının adlarını açıqladı

Əməkdar artist Abbas Bağırov küsülü olduğu həmkarlarının adlarını açıqlayıb.

    Əməkdar artist Abbas Bağırov küsülü olduğu həmkarlarının adlarını açıqlayıb. O,bildirib ki, həmin həmkarları ilə heç vaxt barışmayacaq: “Elə müğənnilər var ki, onları məclisdə təqdim eləmirəm. Bu, onların musiqiçilərimə qarşı diqqətsizliklərindən irəli gələn münasibətdir. Bir neçə dəfə elan etdim, gördüm ki, hərəkətləri başqadır. Hamı da elə bilir ki, onlar elə belə də davranmalıdırlar. Bunlar Faiq Ağayev və Elnur Məmmədovdur. Mən olan toyda bu iki ifaçı ola bilməz. İstəmirəm elə insanlarla münasibətim olsun... Olmayacaq da...”.

    Müğənni Röya Ayxan onu arıq hesab edənlərin cavabını verib. Sənətçi İnstaqram səhifəsində kökəlib 80 kiloqram olacağını vurğulayıb: “Görürəm məndən narazısınız. Yeyib-içib 70 və ya 80 kiloqram olacam. Efirdə 100 kiloqram görsənim".

    Müğənni Sevda Yahyayeva imicində dəyişiklik edib.Tez-tez saç rəngini dəyişən sənətçi bu dəfə onları açıq rəngə boyatdırıb.  Uzun müddətdir tünd saçları ilə dolaşan ifaçı yeni fotosunu İnstaqram səhifəsində paylaşıb. Sevda yeni görünüşünü bəyəndiyini vurğulayıb. 

    Müğənni Elariz Məmmədoğlu saçlarının tökülmə səbəbini açıqlayıb. Sənətçi bunun soyuq hava ilə əlaqəli olduğunu deyib:

“19 yaşımda əsgərliyimi Murmanskda keçirdim. Orada o qədər soyuq olurdu ki, bizə verilən kartoflar belə buz bağlayırdı. Göyərti yetişmirdi. Oksigen çatışmazlığından və vitaminsizlikdən saçlarım töküldü. 20 yaşım olanda isə əməlli-başlı keçəl idim. Bakıya qayıdandan sonra həkimə getdim, müalicə aldım, amma xeyri olmadı”.

 

Əhəd Miriyev

 

Muz-Tv.az