Cennifer Lopez: “Qarşı cins həyatımda əhəmiyyətli rol oynamır”

Müğənni  Cennifer Lopez şəxsi həyatıyla bağlı maraqlı açıqlamalar verib. 

   Müğənni  Cennifer Lopez şəxsi həyatıyla bağlı maraqlı açıqlamalar verib. İfaçı qarşı cinsin onun həyatında o qədər də önəmli rol oynamadığını söyləyib: “Dostlarım məni həmişə kiminləsə tanış etməyə çalışırlar, istəyirlər ki, həyatımda biri olsun. Amma mənim üçün indiki zamanda bu, elə də vacib deyil. Bəli, əvvəllər tez-tez şəxsi həyatımda hər şeyin yolunda olmasına çalışırdım, bunu danmıram və kim olduğumdan utanmıram, həyatın mənə verdiyi dərslərdən ibrət götürməyə çalışıram. Əvvəllər ilk olaraq özümü sevməli olduğumu dərk etmirdim, indi bunun vaxtı çatıb. Mən zamanımı özümə və övladlarıma həsr edirəm. Əlbəttə, hələ də sevgiyə inanıram, amma mənim üçün daha önəmli olan özümün və körpələrimin həyatına daxil olacaq adamın buna layiq olmasıdır.

    Xatırladaq ki, 45 yaşlı Cenniferin 3 dəfə rəsmi nikahı olub. Bundan əlavə, o,  Hollivudun ən yaraşıqlı kişisi Ben Afflek və məşhur rep ifaçısı Pi Diddi ilə yaddaqalan münasibət yaşayıb. Ulduzun sonuncu sevgilisi isə rəqqas Kasper Smart olub. Cütlük 3 il sevgili olduqdan sonra dostcasına ayrılmaq qərarına gəliblər.  

 

 

Faina Əsədullayeva

 

Muz-Tv.az