Aygün Kazımova nişanlandı

Xalq artisti Aygün Kazımova nişanlanıb. Nişan üzüyünün şəklini İnstaqram səhifəsində paylaşan müğənni bunları qeyd edib. 

    Xalq artisti Aygün Kazımova nişanlanıb. Nişan üzüyünün şəklini İnstaqram səhifəsində paylaşan müğənni bunları qeyd edib. “Bu da mənim nişan üzüyüm. Canlarım mənim... Nişanlandım...”. Xatırladaq ki, A.Kazımova bir müddət öncə Fikrət adlı şəxslə sevgi yaşadığını bildirmişdi.

    Əməkdar artist Manana xanımların tatu etdirməsini bəyənmir.  O, həyat yoldaşı Georginin də tatunu xoşlamadığını bildirib: “Tatu etməmişəm, etməyəcəm də. Bəyənmirəm. Kim edirsə, öz işidir. Heç həyat yoldaşım da tatuya yaxşı baxmır. Bu, günahdır. Gürcüstanda da belə düşünürlər. Londonda olarkən şəhərdə gəzən xanımların hamısında tatu gördüm. Onlarda normal hesab edilir. Çünki mentalitetlərinə uyğundur. Biz qafqazlılar isə buna yaxşı baxmırıq”.

    Prodüser Təranə Səmədova bir vaxtlar birlikdə çalışdığı müğənni Rəqsanə İsmayılova ilə bağlı maraqlı fakt açıb.Prodüser Rəqsanənin həmkarı Tolikin sözlərinə əməl edərək açıq-saçıq şəkillər çəkdirdiyini bildirib: “O vaxt Rəqsanə İsmayılova ilə birlikdə çalışırdım. Tolik Rəqsanəyə dedi ki, Röya kimi soyun, məşhurlaş. Rəqsanə də soyundu, fotolar çəkdirdi, bir dərginin üz qabığına çıxdı. Onun açıq-saçıqlığı qəbul edildi. Çünki o ərəfələr tamaşaçı bunu istəyirdi. İndi çoxları Tolikin on il əvvəlki layihəsini edib, onun yolu ilə getməyə çalışsa da, alınmır. Çünki hazırda tamaşaçılar üçün maraqlı olan soyunmaq yox, sənət nümayiş etdirməkdir".

    Müğənni Könül Kərimova “Hardan hara” adlı yeni mahnısını təqdim edib. Bəstənin sözləri Aygün İsmayılovanın, musiqisi isə Pərviz Mahmudovundur. Mahnının aranjimanını Fərid İman edib. Qeyd edək ki, K.Kərimova ilk dəfədir ki, P.Mahmudovun bəstəsinə müraciət edib. Bəstəkar sənətçi ilə işbirlikləri haqda bunları deyib: "Könül xanım çoxdandır məndən bəstə istəyirdi. Qismət bu mahnı oldu. Onun kimi gözəl ifaçı ilə işbirliyi qurmaq mənə də xoşdur".

 

Əhəd Miriyev

 

Muz-Tv.az