İfaçı-bəstəkar Emin vətənə qayıtdı

İfaçı-bəstəkar Emin Bakıya gəlib. Sənətçi həftəsonu istirahətini oğlanları ilə keçirib. 

   İfaçı-bəstəkar Emin Bakıya gəlib. Sənətçi həftəsonu istirahətini oğlanları ilə keçirib. O, övladları Əli və Mikayılla çəkdirdiyi fotoları İnstaqram səhifəsində paylaşıb.

   Azərbaycan tələbə şəbəkəsi Beynəlxalq Musiqi Günü və “Bakı-2015” birinci Avropa Oyunları münasibətilə Praqanın Respublika meydanında flaşmob təşkil edib.Tədbirdə Qarabağdan olan qaçqın və məcburi köçkün, istedadlı gənc tar ifaçısı Atabəy İsmayılov və Praqa film orkestrinin ifasında dünyaca məşhur bəstəkar Motsartın “Türk marşı” (Rondo alla Turca)” səsləndirilib. Orkestrin dirijoru Jiri Korintadır. 

   Əməkdar artist Elza Seyidcahan qızı Gülşənə üç gün toy edəcək. “Qızım hər zaman mənə dayaq olub. O, mənə həm ana, həm də bacıdır. Toy yayda, isti havada olacaq. Oğlumun toyunda çox adam məndən küsdü. İndi o insanları qızımın məclisinə dəvət edəcəm. Mərasim açıq havada keçiriləcək. Üç gün toy edəcəm. Çünki mənim balam buna dəyər. Kürəkənim şəxsi fotoqrafımdır. Ağıllı övladdır. Gördüm ki, çalışqandır, mənə hörmət edir. Nə demək istədiyimi bir hərəkətimdən başa düşür. Kaş oğlum da bir işarəmdən məni anlayardı”.

   Müğənni-rəqqasə Sevda Sanəliyeva səhhəti ilə bağlı yayılan şayiələrə son qoyub. Beş aylıq hamilə olan sənətçi səhhətinin pisləşməsi və depressiyaya düşməsi xəbərlərinin yalan olduğunu deyib: “Hər şey qaydasındadır. Səhhətimdə heç bir problem yoxdur. Mən də, körpəm də yaxşıyıq. Bu həftə beş ayım tamam olacaq. Hamiləliyimin yeddi ayından sonra uşaq üçün hazırlıqlara başlayacağıq”. Qeyd edək ki, S.Sanəliyeva iyunda nikah masasına oturub.

 

Əhəd Miriyev

 

Muz-Tv.az