Tünzalə Ağayeva yeni mahnı təqdim etdi

Əməkdar artist Tünzalə Ağayeva “Təbəssüm” adlı yeni mahnısını dinləyicilərinin ixtiyarına verib. 

    Əməkdar artist Tünzalə Ağayeva “Təbəssüm” adlı yeni mahnısını dinləyicilərinin ixtiyarına verib. Bəstənin musiqisi müğənninin özünə, sözləri Cavid Şahbazbəyova məxsusdur.  Mahnıya T.Ağayevanın fotolarından ibarət video-çarx da hazırlanıb. Fotoların müəllifi ifaçının prodüseri Yalçın Cabbarovdur, geyimlər isə modelyer Gülnarə Xəlilovaya məxsusdur.

    Müğənni İzzət Bağırzadə yeni avtomobil alıb. Yeni maşını ilə kamera qarşısına keçən İ.Bağırzadə “Kreditlə almısız” sualına belə cavab verib: “Hummer” həvəskarıyam. Budnan əvvəl də bu markada avtomobilim var idi. Amma dostum Kamil (Kamil Zeynalov idmançı – red.) yodlan çıxartdı, satdım ona. İndi yenisin gətizdirmişəm. Kredit deyil. İstəsəniz, sənədləri göstərə bilərəm. Əvvəl bir neçə dəfə kreditə maşın almışam. Amma son vaxtlar nəğd pul ödəyirəm”.

    Türkiyədə yaşayan müğənni Azəri Günel Zeynalovanın atası, Rəhman Zeynalovun gecə saatlarında halı pisləşib. Bu haqda sənətçi İnstaqram səhifəsində yazıb. O, xəstəxanaya yerləşdirilən atası üçün dua etdiyini bildirib. G.Zeynalovanın qardaşı, bəstəkar-müğənni Tunar Rəhmanoğlu isə bunları bildirib. “Gecə qəfildən ürəyində ağrılar oldu. Xəstəxanaya gətirmişik. Həkimlərdən bir cavab gözləyirik. Bu günə kimi heç vaxt ürəyindən şikayəti olmamışdı”. Qeyd edək ki, G.Zeynalova bir neçə gündür Bakıdadır.

    Müğənni Günay İbrahimli və Elçin Cəfərovun Moskvadakı konserti ilə bağlı xəbər vermişdik.Proqram haqda gecənin təşkilatçısı “Azərbaycan Mədəniyyət Studiyası”nın və “Nar” prodakşnın rəhbəri Samirə Zeynalova danışıb:“Konsert noyabrın 1-də və 2-də “Korolevskiy zal Ostankino”da baş tutacaq. “İkisi birində” adlanan mərasimdə Rusiyanın tanınmış “Style” rəqs qrupu da çıxış edəcək. Elçin və Günay rəqs öyrənmək üçün bir neçə gün əvvəl Moskvaya yola düşəcək. Gecədə modelyer Zümrüd Mirzəliyevanın libasları da nümayiş olunacaq”.

 

Əhəd Miriyev

 

Muz-Tv.az