İtaliya film festivalının açılışı oldu

İtaliyalı aktrisası Anita Kravos Bakıya gəlib. Aktrisa oktyabrın 20-dən 25-dək “28 Cinema” kinoteatrında keçiriləcək İtalyan film festivalının açılışında fəxri qonaq qismində  iştirak edib.

     İtaliyalı aktrisası Anita Kravos Bakıya gəlib. Aktrisa oktyabrın 20-dən 25-dək “28 Cinema” kinoteatrında keçiriləcək İtalyan film festivalının açılışında fəxri qonaq qismində  iştirak edib. 1-ci dəfədir ki, vətənimizin qonağı olan Anita xanım hələ gəzməyə imkan tapa bilməsə də, burda öz həmyerlisi ilə qarşılaşıb. Bir müddət Bakıda qalacağını deyən sənətçi bu vaxt çərçivəsində bir çox tədbirlərdə iştirak edəcək.

    Festival İtaliya cəmiyyəti olan N.I.C.E, İtaliyanın və İsveçrənin Azərbaycandakı səfirliklərinin dəstəyi ilə reallaşır. Festival müddətində 6 film nümayiş olunacaq. Açılışda İtaliyaya uğur gətirən, 2013-cü ildə xarici dildə “ən yaxşı film” nominasiyaları üzrə “Oskar” və “Qızıl Qlobus” kimi mükafatlara layiq görülən “Böyük gözəllik” ekran işi nümayiş olunub. Sonda onu da qeyd edək ki, bu, Anita Kravosun son səfəri olmayacaq. Belə ki, o növbəti dəfə film çəkilişi ilə əlaqədar ölkəmizə təşrif buyuracaq.

 

Sərvər Mehdiyev

Vüsal Həşimov

 

Muz-Tv.az