Nişanlısından ayrılan Aygün Kazımovadan yeni foto

  Xalq artisti Aygün Kazımova sosial şəbəkədə yeni fotosunu paylaşıb.

     Xalq artisti Aygün Kazımova sosial şəbəkədə yeni fotosunu paylaşıb. Hazırda Türkiyədə olan müğənni nişanlısından ayrıldıqdan sonra gündəmdən uzaqlaşıb. Qeyd edək ki, A.Kazımova açıqlamasında “Anladım ki, sevgi mənlik deyil, alınmır. Yenə də özümü ələ alıb, ayağa qalxacam, çox belə çətinliyin öhdəsindən gəlmişəm” sözlərini demişdi. O, sevgi yaşadığı Fikrət adlı şəxsin Almaniyada yaşayan azərbaycanlı məmurun oğlu olduğunu bildirib. Cütlük hətta bir müddət əvvəl nişanlanmışdı.

   Türkiyədə yaşayan müğənni Günel Zeynalovanın atası, musiqiçi Rəhman Zeynalovun xəstəxanaya aparılması ilə bağlı xəbər vermişdik. R.Zeynalov ürəyindən əməliyyat olunub. Bu haqda İnstaqramda yazan Günel atasının ürəyinə stend qoyulduğunu bildirib:“Çox şükür, atam əməliyyatdan çıxdı. Sevənlərim, dualarınız üçün Allah razı olsun. Ailəmizin dəyərini bilək. Atamın ürəyinə stend taxılıb. İnşallah, daha yaxşı olacaq”. Qeyd edək ki, ifaçının qardaşı Tunar Rəhmanoğlu atasının gecəyarısı qəfildən halının pisləşdiyini və onu xəstəxanaya apardıqlarını deyib.

   Müğənni Günay İbrahimli şəxsi həyatı ilə bağlı etiraf edib.  Sənətçi həyatında birinin olduğunu bildirib. O, “Sevgilin var” sualına belə cavab verib:“Üzümü güldürənim var. Şəxsi həyatımla bağlı çox danışmayacam. Hazırda mənə efirdən baxır. Hər şey yaxşıdır. Sağ əlim olmayanların başına”. Yeniliklərindən danışan G.İbrahimli Bakı haqqında mahnı oxuyacaq:“İlk dəfədir ki, bu tərzdə mahnı səsləndirəcəm. Ona klip də çəkdirməyi düşünürəm”.

    Müğənni Kərim Abbasovu əsəbiləşdiriblər. İfaçı onu sındırmağa çalışanların olduğunu vurğulayıb:“Niyə həyat bu qədər acıdır? Niyə həyatda pislik etmək istəyənlər bu qədər çoxdur. Məni əzməyə və ya sındırmağa çalışmayın. Alınmayacaq... Məni yalnız bu dünyaya xəlq edən Allah sındıra bilər. O, istəməyənə kimi ağacın yarpağı da tərpənə bilməz. Sizi qurbanolduğuma tapşırıram. Allah sizin ürəyinizə görə versin”

 

Əhəd Miriyev

 

Muz-Tv.az