Elza Seyidcahanın iki tələbəsi “Türkvision” da bir-birinə rəqib olacaq

Tatarıstanın paytaxtı Kazanda baş tutacaq “Türkvision” yarışmasında Gürcüstanı bu il azərbaycanlı ifaçı təmsil edəcək.

    Tatarıstanın paytaxtı Kazanda baş tutacaq “Türkvision” yarışmasında Gürcüstanı bu il azərbaycanlı ifaçı təmsil edəcək. Bu haqda əməkdar artist Elza Seyidcahan məlumat verib.  Belə ki, sənətçinin tələbəsi olan Ayla Şiriyevanın müsabiqədə Gürcüstan təmsilçisi kimi səhnəyə çıxacağını deyib. Seyidcahan ölkəmizi bu müsabiqədə təmsil edəcək Elvin Ordubadlıdan da söz açıb. Artıq təmsilçimizin yarışda ifa edəcəyi mahnı da hazırdır. Onun oxuyacağı “Devlərin yalnızlığı” mahnısının musiqisi E.Seyidcahana, sözləri isə Ayşə Birgül Yılmaza aiddir.

    Görünür, bir müəllim kimi Elza xanımın sevinci yerə-göyə sığmır. Nə də olmasa bu mötəbər yarışda onun iki tələbəsi iştirak edir.Qeyd edək ki, müsabiqə noyabrın 19 və 21-də baş tutacaq. Ötən il Türkiyənin Eskişehrində keçirilmiş yarışmanın qalibi azərbaycanlı müğənni Fərid Həsənov olmuşdu.

 

Sərvər Mehdiyev

Elfaq Lələyev

 

Muz-Tv.az