İfaçı-bəstəkar Eminin dünyaca məşhur rok ifaçısı Lenni Kraviç ilə fotosu yayılıb

Müğənni-bəstəkar Emin dünyaca məşhur rok ifaçısı Lenni Kraviç ilə görüşüb. 

    Müğənni-bəstəkar Emin dünyaca məşhur rok ifaçısı Lenni Kraviç ilə görüşüb. Lenni ifaçının rəhbərlik etdiyi “Crocus City Hall”da konsert verib. İki məşhurun fotoları Eminin “Facebook” səhifəsində paylaşılıb.

   Xalq artisti Brilliant Dadaşova oğlunu imkanlı qızla evləndirmək istəyir. “Oğlum üçün çox əziyyət çəkmişəm. Türkiyədə olanda səhər saat 8-də oyanır, onu dərsə yola salıram. Mənə yastıq atır, “get” deyir. Amma oyanana qədər əl çəkmirəm. Onun üçün mənəvi əziyyətlər çəkdiyim qədər, maddi zəhmətim də olub. Ona görə də, niyə mən də elə qız istəməyim ki? Mən də istəyirəm oğlum yaxşı bir qızla evlənsin”. Qeyd edək ki, B.Dadaşovanın oğlu Cahad Türkiyədə təhsil alır.

    Müğənni Elvin Abdullayev ata olacaq.  “Şükür edirəm Allaha ki, bu payı mənə verib. Gözəl duyğudur, olmayanlara qismət”. Sənətçinin həyat yoldaşı Afət Abdullayeva 7 aylıq hamilədir. Qeyd edək ki, Elvin və Afət martda nikah masasına oturub.

    Müğənni Emil Bədəlov qızından bəhs edib. Sənətçi övladının böyüyəndə həkim olmasını istədiyini deyib. O, “Qızınız gələcəkdə ailə quranda işləməyə qoymasalar, nə edərsiniz” sualına belə cavab verib: “Əgər mən “hə” deyib onu ərə verirəmsə, sonrasına qarışmaram. İşləyib-işləməməyinə ailəsi qərar versin. Artıq onunla bağlı hər şeyi özləri bilər. Bəzən ailədə problemlər yarana bilər ki, mən o zaman qarışaram. Amma işləməyinə heç vaxt. Buna baxmayaraq, qızımın gələcəkdə peşəkar həkim olmasını istəyərdim”.

 

Əhəd Miriyev

 

Muz-Tv.az