Ramal İsrafilov “Dərdliyəm” adlı mahnısına klip çəkdirir

 Müğənni Ramal İsrafilov yeni klip çəkilişinə başlayıb. Sənətçinin “Dərdliyəm” adlı mahnısına çəkdirdiyi klipdə “Miss civilization” gözəli Aytac 

    Müğənni Ramal İsrafilov yeni klip çəkilişinə başlayıb. Sənətçinin “Dərdliyəm” adlı mahnısına çəkdirdiyi klipdə “Miss civilization” gözəli Aytac Ağacanova rol alıb. R.İsrafilov çəkilişdən fotoları İnstaqram səhifəsində paylaşıb. O, ekran işinin tezliklə təqdim olunacağını bildirib.

    Müğənni Günay İbrahimli üçüncü dəfə təhsil alacaq. O, bu dəfə Moskva Dövlət Universitetində oxuyacağını deyib.“Asəf Zeynallı adına musiqi kollecini bitirdim. Daha sonra Mədəniyyət və İncəsənət Universitetinə qəbul oldum. Noyabrda diplomumu alacam. İndi hədəfim Moskva Dövlət Universitetidir. Öz sahəmdə “estrada musiqisi” fakültəsini seçəcəm. Yaşım çoxdur, oxumaq gecdir fikirlərini qəbul etmirəm. Hər gün nəsə öyrənirəm. Buna görə də, təhsil mənə görə hər zaman önəmli olub”.

   “Eurovision” təmsilçilərimizdən olan Dilarə Kazımova sosial şəbəkədə yeni fotosunu paylaşıb. Üzü qan içində olan sənətçi sosial layihədə iştirak etdiyini bildirib: “Qadınlara şiddətlə bağlı yeni sosial layihə keçirilir. Məqsəd qadınlara, uşaqlara və yaşlılara qarşı şiddətə “yox” deməkdir. Çəkilişdə digər məşhur simalar da iştirak edib. Layihənin rəhbəri Şəfiqə Fərzəliyevadır”. Qeyd edək ki, D.Kazımova sentyabrda türkiyəli iş adamı Mərt Aslanla nikah masasına oturub.

    Rəqqasə Fatimə Fətəliyeva şəxsi həyatı ilə bağlı etiraf edib.  Sənətçi ikinci dəfə ailə qurduğunu deyib: “Biz sənət adamlarına ciddi baxmırlar. Elə bilirlər ki, normal ailə qurmarıq. Düzdür, yenidən toy etməmişəm. Amma mən neçə ildir ki, ailə qurmuşam. Çox xoşbəxtəm. İki övladım var: qız və oğlan. Heç oğlumu dünyaya gətirəndə onu mediada reklam etmədim. Axşam işdən çıxanda başqaları kimi kafeyə yox, evimə, ailəmin yanına qaçıram. Heç vaxt evə gec getməmişəm. Qızımın 19 yaşı var. Onu gözümdən kənara qoymuram. Hətta xaricdə təhsil almasına da icazə vermədim. Hər zaman ona nələrisə izah edirəm: deyirəm, sən elə olmalısan ki, adına söz deyilməsin. Rəqqasə qızısan. Mən nə qədər söyləsəm ki, düzəm, başqaları kimi pis yollarda deyiləm, sağlam ailəm var, inananlar azdır. Üstümdə “rəqqasə” adı var. Kişinin ayrılmasına səbəbkar qadın olur. Gərək evdə kişi nə deyirsə, razılaşasan, “baş üstə” deyəsən”.

 

Əhəd Miriyev

 

Muz-Tv.az