Ledi Qaqa konsert verdiyi şəhəri səhv saldı

Son 6 aydır dünya turnesinə çıxan məşhur pop ulduz Ledi Qaqa Londonda konserti zamanı şəhərləri səhv salıb.

    Son 6 aydır dünya turnesinə çıxan məşhur pop ulduz Ledi Qaqa Londonda konserti zamanı şəhərləri səhv salıb.Səhnəyə çıxan ifaçı “Salam, Mançester” deyə tamaşaçılara müraciət edib. İzləyicilər arasında bu səslənişdən sonra bir qədər durğunluq yaransa da, müğənni böyük coşğu ilə şousuna davam edib. Lakin daha sonra L.Qaqanın getdiyi yeri səhv salması lağ mövzusuna çevrilib. Səhnə geyimi ilə diqqət çəkən pop ulduz möhtəşəm rəqslərini nümayiş etdirib.

    Türkiyəli müğənni Hülya Avşar idmana olan marağı ilə də tanınır. Sənətçi ötən gün Belqrad meşəsində məşq edərkən görüntülənib. İki saatlıq qaçışdan sonra gərilmə hərəkətləri edən Hülya fanatlarının onunla şəkil çəkdirmək istəyinə qarşı çıxmayıb. Lakin H.Avşar jurnalistləri görən kimi idmanını yarımçıq qoyub.

    Artıq bir həftədir ki, xəstəxanada müalicə alan Bülent Ərsoydan xəbər var. Müğənninin prodüseri Fevzi Siverek Bülentin sağlamlığı barəsində maraqlı açıqlama verib: “Bir həftədir Bülent xanım xəstəxanadadır. Həm dincəlir, həm də müalicə alır. Ərsoyun mədəsində daş aşkarlanıb. Bülent xanımın udduğu daş brilyantdır. Vəziyyəti yaxşıdır, tezliklə xəstəxanadan çıxacaq”. Qeyd edək ki, Bülent Ərsoyun böyrəyini əməliyyatla götürmüşdülər. Müğənni digər böyrəyində yerləşən daşdan isə yeni xilas olmuşdu.

    “Eşq sənə bənzər” filmində birlikdə çəkilən aktyor Burak Özçivit və aktrisa Fəxriyyə Evcən sevgili olsalar da, hər zaman bərabər görüntülənməməyə cəhd ediblər. Paparassilər ötən gün Etilərdə tanınmış cütlüyü bir yerdə görüblər. Burakın avtomobilində olan Fəxriyyə fotokameralar səbəbindən narahatlıq keçirib.

 

Əhəd Miriyev

 

Muz-Tv.az