Cem Adrianın konsertindən özəl görüntülər

Türkiyənin fərqli səsə malik olan sənətçisi Cem Adrian Bakıda sevənləri ilə görüşüb. 

    Türkiyənin fərqli səsə malik olan sənətçisi Cem Adrian Bakıda sevənləri ilə görüşüb. Uzun müddətdir ki, anonsları gedən konsertdə ifaçı pərəstişkarlarına unudulmaz gecə yaşadıb. Solo konsert “Şeker Prens ve Tuz Kral” adı altında  paytaxtın tanınmış məkanlarından birində reallaşıb. Sevənləri ilə ünsiyyəti danışmaqla deyil,  oxumaqla yaradan ifaçı öz mahnıları ilə dinləyicilərinin qəlbini bir daha qazanıb. Oxunan hər bir mahnıya  Cemsevənlər də biganə qalmadı və sevimli ifaçıları ilə birgə mahnıları səsləndiriblər. 

    Əsl adı Cem Filiz olan müğənni Türkiyənin məşhur sənətçisi Aytən Alpmanın reperturına da müraciət edib. 2 saata yaxın davam edən konsertdə Cem Adrian həm köhnə, həm də yeni albomundan mahnılar ifa edib.

 

Sərvər Mehdiyev

Vüsal Həşimov

 

Muz-Tv.az