Sevda Yahyayeva “Yalan” adlı klipini təqdim etdi

Müğənni Sevda Yahyayeva yeni çəkdirdiyi “Yalan” adlı klipini tamaşaçıların ixtiyarına verib. 

    Müğənni Sevda Yahyayeva yeni çəkdirdiyi “Yalan” adlı klipini tamaşaçıların ixtiyarına verib. Sözləri Aygün İsmayılova, musiqisi Pərviz Mahmudova aid olan bəstənin ekran həlli Samirə Avcı və Hafiz İsmayılova həvalə edilib. Klipdə Sevdanın stili üzərində Anar Ağakişiyev işləyib.

    Müğənni Xəyyam Nisanov Hollivud ulduzu Robert De Niro ilə bir araya gəlib. Aktyorla İstanbulda çəkdirdiyi fotonu sosial şəbəkədə paylaşan sənətçi “Bəli, səhv görmürsünüz... Bu, əfsanəvi Robert De Nirodur” sözlərini yazıb.

    Müğənni Kərim Abbasov Türkiyə səfərindən qayıdıb. Sənətçi səfərinin məqsədindən danışıb. O, tanınmış türkiyəli müğənni ilə duet oxumağa hazırlaşdığını deyib: “Getdim həmin müğənninin meneceri ilə görüşdüm, danışdım. Bu layihəni gerçəkləşdirmək üçün mənə 200 min manat pul lazımdır. Gərək evimi satıb əlimdə o qədər məbləğlə gedim. Sonra nə edəcəm, kirayə yaşayacam? Ən yaxşı variant sponsor tapmaqdır. Kişiyə də sponsorluq edən olmur. Gərək qadın olam ki, kimsə sponsorluq etsin. Bu layihə gerçəkləşsə, Türkiyədə və Azərbaycanda böyük bir partlayış olacaq. Duet ortağımın adını açıqlamaq istəmirəm, baş hərflərini deyəcəm: M.B. Bəlkə aramızda Gövhər Həsənzadə vasitəçi ola, bu işi düzüb-qoşa”.

    Tanınmış türkiyəli aparıcı Acun İlicalı və komandası Azərbaycana gəlir."TV8" telekanalında yayımlanan “O ses Türkiye” və “Yetenek Sizsiniz Türkiye” yarışma proqramları Bakıda seçimlər edəcək. Bu barədə Acun özü məlumat verib. Onun sözlərinə görə, noyabrın 29-30-da “Ariva” oteldə seçim prosesi, dekabrın 11-12-də isə verilişlərin çəkilişləri baş tutacaq.

 

Əhəd Miriyev

 

Muz-Tv.az