Faiq Ağayev: “Elə olub ki, 40 dərəcə hərarətlə səhnəyə çıxmışam”

Xalq artisti Faiq Ağayev məşhurluğunun şəxsi azadlığını məhdudlaşdırdığını bildirib: “Mən də istəyirəm, çimərliklərdə rahat gəzə bilim, qısa şalvar geyinim, amma alınmır”. 

    Xalq artisti Faiq Ağayev məşhurluğunun şəxsi azadlığını məhdudlaşdırdığını bildirib: “Mən də istəyirəm, çimərliklərdə rahat gəzə bilim, qısa şalvar geyinim, amma alınmır”. Sənət həyatında 26 ili geridə qoyan xalq artisti tamaşaçılarına inandığını da açıqlayıb: “5 günlük konsert keçirmək üçün adam gərək şir ürəyi yesin, amma mən tamaşaçılarıma arxayınam”.  Sənətçi 26 illik səhnə həyatında başına gələn maraqlı hadisələrdən də danışdı: “Konsert öncəsi ayağım sınmışdı, səhnəyə əsa ilə çıxdım, amma tamaşaçı bunun bir tamaşa olduğunu düşündü. Elə olub ki, 40 dərəcə hərarətlə səhnəyə çıxmışam”.

   Müğənni Röya Ayxanın oğlu ilə yeni fotoları yayılıb. İfaçı övladı Hüseynlə çəkdirdiyi şəkilləri sosial şəbəkədə paylaşıb. O, həftəsonu istirahətini oğluyla gəzərək keçirib.

   Müğənni Xəyyam Nisanov uzun müddətdir arzuladığı avtomobil nömrəsini əldə edib. İlin yarısını Moskvada keçirən sənətçi bu haqda sosial şəbəkədə bildirib. O, avtomobilinin və yeni nömrəsinin fotosunu paylaşaraq “Yeni nömrəmi uzun müddət gözlədim. Qışa hazıram” sözlərini yazıb.

    Müğənni Eldar Qasımovla Ukraynanın “Eurovision 2013” təmsilçisi Zlata Oqneviçin “İce and fire” (Buz və alov”) adlı dueti işıq üzü görüb. Onlar mahnıya klip çəkdirməyi planlaşdırsalar da, Zlatanın Ukraynada deputatlığa namziədliyini irəli sürməsi bu planı yarımçıq qoyub. Qeyd edək ki, bəstə ilk dəfə uşaq “Eurovision” müsabiqəsində Ukraynanın təmsilçisinin seçildiyi tədbirdə səsləndirilib.

 

Əhəd Miriyev

 

Muz-Tv.az