Emin Keti Topuriya ilə çəkildiyi klipi təqdim etdi

İfaçı-bəstəkar Emin Bakıda çəkdirdiyi “Na çistatu” (“Sözün düzü”) adlı klipinin ikinci hissəsini təqdim edib.

      İfaçı-bəstəkar Emin Bakıda çəkdirdiyi “Na çistatu” (“Sözün düzü”) adlı klipinin ikinci hissəsini təqdim edib.

Bir müddət əvvəl ekran işində tanınmış simanı çəkdiyini deyən və bunu sirr saxlayan ifaçının tərəf-müqabilinin rusiyalı sənətçi Keti Topuriya olduğu ortaya çıxıb. Mahnının musiqisi İqor Krutoya, sözləri isə İqor Nikolayevə aiddir. Emin ötən gün klipi üçün Moskvada böyük təqdimat mərasimi keçirib.

     Əməkdar artist Sevda Ələkbərzadə “Sev məni” adlı mahnısına çəkdirdiyi klipini təqdim edib.Ekran işinin müəllifi rejissor Emin Mehdiyevdir. “Sev məni” bəstəsinin sözləri və musiqisi S.Ələkbərzadənin özünə məxsusdur. Ekran işində müğənninin həyat yoldaşı Kamyar da rol alıb.

     Müğənni Rəhim Rəhimli “Olmaz” adlı yeni mahnısını dinləyicilərin ixtiyarına verib. Bəstənin sözləri Azər Şirinə, musiqisi ifaçının özünə məxsusdur. Mahnı Tbilisidə gürcü musiqiçilər tərəfindən lentə alınıb. Aranjimanını Peke Bariokonun etdiyi "Olmaz"a ifaçı klip də çəkdirəcək. Gələn həftə çəkilişləri başlanılacaq ekran işi rejissor Anar Hüseynova həvalə olunub.  

      Müğənni Kərim Abbasov “Ürəyim yanar” adlı yeni mahnısını təqdim edib. Musiqisi Abbas Əhmədə, sözləri Elçin Mirzəbəyliyə aid olan bəstəyə sənətçi klip də çəkdirəcək.

 

Əhəd Miriyev

 

Muz-Tv.az