Conni Depp: “Hollivud məşhur aktyorları yarış atlarına çevirir”

Hollivud aktyoru Conni Depp maraqlı müsahibə verib. Kinoulduz ictimaiyyət tərəfindən tənqidə olan münasibətindən bəhs edib...

    Hollivud aktyoru Conni Depp maraqlı müsahibə verib. Kinoulduz ictimaiyyət tərəfindən tənqidə olan münasibətindən bəhs edib: “ “Tənha rencer” və “Möhtəşəmlik” filmindəki müvəffəqiyyətsizlikdən  sonra insanların mənim barəmdə mənfi fikirlərinə ciddi yanaşmamağı öyrəndim. Karyeramın əvvəlində ictimaiyyətin fikrinə diqqət yetirirdim, vaxt keçdikcə bunun önəmli olmadığını dərk etdim, hazırda cəmiyyətin mənim barəmdə nə fikirləşdiyi vecimə  deyil, məhz belə münasibət bütün fikrimi yaradıcılığa toplamağa kömək edir. Hollivud məşhur aktyorları yarış atlarına çevirir: İstedadını nümayiş edirsən, sənin üstünə pul qoyurlar və nəticəni gözləyirlər. Əgər qalib olsan, hamı tərifləyir,lakin  müvəffəqiyyətə nail olmasan, münasibət dəyişir”.  Müsahibə zamanı məşhur utancaq olduğunu da açıqlayıb: “ Mən çox utancağam, evdə oturmağı sevən insanlardanam. Tərki-dünyalıq ürəyimcədir. Xatırladaq ki, aktyor bu yaxınlarda “Hollywood Film Awards”mükafatlandırma gecəsində  sərxoş halda çıxış edərək, ictimaiyətin qəzəbinə səbəb olub. 

 

Faina Əsədullayeva

 

Muz-Tv.az